اتىراۋ وبلىسىنداعى تەڭىز كەنىشىندە كوروناۆيرۋس ينفەكتسياسىن جۇقتىرعان ناۋقاستار ءالى ازايار ەمەس. قازىر مۇنداعى ينفەكتسيالىق ستاتسيوناردا 400 ناۋقاس ەم الىپ جاتىر, دەپ حابارلايدى Egemen.kz
«وتكەن تاۋلىكتە وتكەن تاۋلىكتە 59 ادامدا كوروناۆيرۋس ينفەكتسياسى پتر ارقىلى راستالدى. ناۋقاستاردىڭ اراسىندا اتىراۋ قالاسىنان 12 ادام بار. بۇعان قوسا جىلىوي اۋدانىندا – 4, قىزىلقوعادا – 3, يندەردە – 4, قۇرمانعازى اۋدانىندا 5 ادامنىڭ قاۋىپتى ىندەتكە شالدىققانى بەلگىلى بولدى. ال تەڭىز كەنىشىندە 31 جۇمىسشى كوروناۆيرۋس جۇقتىردى. ونىڭ ىشىندە 19 ناۋقاستا قاۋىپتى ىندەتتىڭ سيمپتومدى ءتۇرى انىقتالدى», دەپ حابارلادى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى.
ءۇي جاعدايىندا 220 ادام ەم-دوم قابىلداپ جاتىر. وبلىستىق ينفەكتسيالىق ستاتسيوناردا 102 ناۋقاس, اۋداندارداعى ستاتسيونارلاردا 18, تەڭىز كەنىشىندەگى ستاتسيوناردا جاتقان پاتسيەنتتەر 400-گە جەتتى.
وتكەن تاۋلىكتە 83 ادام كوروناۆيرۋس ينفەكتسياسىنان ەمدەلىپ شىقتى.