پاۆلوداردا ەۋرازيالىق توپ قۇرامىنداعى «ERG Service» كومپانياسى وندىرىستىك كراندار قاتارىن تولىقتىرىپ, جاڭادان قايتا تيەۋ كرانىن قۇراستىرىپ شىقتى, دەپ حابارلايدى Egemen.kz. بۇل تۋرالى يندۋستريا جانە ينفراقۇرىلىمدىق دامۋ مينيسترلىگى مالىمدەدى.
جوبانىڭ ينجينيرينگىن نەمىس كومپانياسى ازىرلەگەن. وسىلايشا سەرۆيستىك كومپانيا رۋدنىي جەو-عا مەتالل قۇرىلىمدارى مەن جۇك كوتەرۋشى جابدىقتاردىڭ مەحانيكالىق توراپتارىن جەتكىزە باستادى. بۇل پاۆلوداردىڭ ماشينا قۇراستىرۋشىلارى ءۇشىن جاڭا تاجىريبە بولىپ وتىر.بۇل – ەلىمىزدە قۇراستىرىلعان ەڭ ۇلكەن كران. بيىكتىگى 30, ۇزىندىعى 107 مەتر. ءبىر مەزەتتە 32 توننالىق جۇكتى كوتەرىپ, 60 مەتر جەرگە جەتكىزە الادى. وتاندىق ماشينا قۇراستىرۋشىلار وسى تەكتەس جۇمىستى بۇرىن-سوڭدى قولعا الماعان.