كوروناۆيرۋس ءبىر ايدا كەمىندە ەكى رەت مۋتاتسياعا ۇشىرايدى. بۇل تۋرالى قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان مالىمدەدى, دەپ حابارلايدى Egemen.kz.
الماتى قالاسىندا وتكەن بريفينگ كەزىندە قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان ۆيرۋستاردىڭ مۋتاتسياعا ۇشىراۋعا بەيىم ەكەنىن ايتتى.
«ۆيرۋستار ۇنەمى مۋتاتسياعا ۇشىراۋعا بەيىم, بۇل ايىنا كەمىندە ەكى رەت مۋتاتسيالاناتىن كوروناۆرۋستارعا دا قاتىستى. ۆيرۋستار جاراتىلىسىنان – پارازيتتەر. ولار يەسىنەن, ياعني ادامنان تىس ءومىر سۇرە المايدى. ۆيرۋس جۇقتىرعان ادام قايتىس بولعاندا, ونىمەن بىرگە ۆيرۋس تا جوعالادى. سوندىقتان يەسىنىڭ ءولىمى ۆيرۋس ءۇشىن ءتيىمدى ەمەس. ۆيرۋس ءتىرى قالىپ, اداممەن بىرگە ءومىر ءسۇرى ءۇشىن مۋتاتسياعا ۇشىراپ وتىرادى. بۇل قالىپتى ەۆوليۋتسيالىق پروتسەسس», دەدى ول.
ونىڭ ايتۋىنشا, كوروناۆيرۋس مۋتاتسياسى ءجۇرىپ جاتىر جانە ول پروتسەسس ۇنەمى بولادى, ناتيجەسىندە COVID-19-دىڭ ماۋسىمدىق ينفەكتسياعا اينالۋىنا اكەلەدى. ال ۆاكتسيناتسيا بۇل پروتسەستى تەك جىلدامداتادى.
سونىمەن قاتار پروفەسسور پروفيلاكتيكالىق شارالاردى ساقتاۋ قاجەت ەكەنىن ايتتى.
«بەتپەردە تاعۋ ماڭىزدى شارا بولىپ سانالادى. ونى اۋىزدى جاۋىپ تۇراتىنداي ەتىپ, دۇرىس تاعۋ كەرەك. ادامدار كوپ باراتىن ورىنداردان, مەرەيتويلار, ۇيلەنۋ تويلارى, ەسكە الۋ شارالارىنان اۋلاق ءجۇرۋ كەرەك. اسىرەسە, جابىق جانە از جەلدەتىلەتىن عيماراتتاردا وتەتىن جيىنداردان ساق بولعان ءجون», دەدى پروفەسسور.