اتىراۋ وبلىسىندا سوڭعى ەكى تاۋلىكتە 169 ادام كوروناۆيرۋس ينفەكتسياسىن جۇقتىردى, دەپ حابارلايدى Egemen.kz
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, 18 جەلتوقساندا 95, ال كەشە 74 ادامنان قاۋىپتى ىندەتتىڭ بەلگىسى انىقتالىپ وتىر. مۇنىڭ ىشىندە ناۋقاستاردىڭ دەنى - تەڭىز كەنىشىنىڭ جۇمىسشىلارى. مۇندا سوڭعى ەكى تاۋلىكتە 123 جۇمىسشى قاۋىپتى ىندەتكە شالدىققان.
«قازىر 249 ادام ءۇي جاعدايىندا ەمدەلۋدە. وبلىستىق ينفەكتسيالىق ستاتسيوناردا – 78, ال, اۋداندارداعى ستاتسيونارلاردا 13 پاتسيەنت جاتىر. ال, تەڭىز كەنىشىندەگى ينفەكتسيالىق ستاتسيوناردا 321 ادام ەم قابىلداۋدا», دەپ حابارلادى باسقارمانىڭ ءباسپاسوز قىزمەتى.
وتكەن تاۋلىكتە 112 ادام قاۋىپتى ىندەتتەن جازىلىپ شىقتى.