شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن شىمكەنت قالاسىنىڭ تاريحي-مادەني مۇرالارىن قورعاۋ جانە پايدالانۋ جونىندەگى عىلىمي-ادىستەمەلىك كەڭەس وتىرىسى ونلاين ءوتتى, دەپ حابارلايدى Egemen.kz
عىلىمي-ادىستەمەلىك كەڭەستىڭ قۇرامىندا «قازقايتاجاڭارتۋ» رمقك عىلىمي-زەرتتەۋ جانە جوبالاۋ فيليالى, قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ رۋحاني مادەني مۇرانى قورعاۋ جونىندەگى ۇلتتىق كوميتەتى, حالىقارالىق ورتالىق ازيا زەرتتەۋلەرى ينستيتۋتى, ت.باسەنوۆ اتىنداعى ساۋلەت جانە قۇرىلىس ينستيتۋتى, ءا.مارعۇلان اتىنداعى ارحەولوگيا ينستيتۋتى, يۋنەسكو-نىڭ الماتى قالاسىنداعى كلاستەرلىك بيۋروسىنىڭ مادەنيەت سالاسىنىڭ وكىلدەرى مەن ارحەولوگتار بار.
كەڭەس وتىرىسىنىڭ بارىسىندا نەگىزگى 3 ماسەلە قارالدى. اتاپ ايتقاندا, شىمكەنتتىڭ كونە قالاشىعىن قالپىنا كەلتىرۋ, رەكونسترۋكتسيالاۋ جانە جاڭعىرتۋ بويىنشا اتقارىلعان جۇمىستاردى باعالاۋ جونىندەگى جۇمىس توبىنىڭ قورىتىندىسى, «شىمكەنت كونە قالاشىعى» كەشەنىن يۋنەسكو-نىڭ دۇنيەجۇزىلىك مادەني جانە تابيعي مۇرالاردىڭ تىزىمىنە ەنگىزۋ, «عىلىمي-رەستاۆراتسيالىق جۇمىستار جۇرگىزۋ جانە الەۋمەتتىك قاراۋ الاڭىمەن مادەني لاندشافتتى جاڭارتۋ» جوباسى تالقىلاندى.
كونە قالاشىقتى قالپىنا كەلتىرۋ بويىنشا اتقارىلعان جۇمىستاردى باعالاۋ جونىندەگى جۇمىس توبىنىڭ قورىتىندىسى جونىندە قالالىق مادەنيەت, تىلدەردى دامىتۋ جانە ارحيۆتە باسقارماسىنىڭ باسشىسى ح. ەسەنوۆا باياندادى. ونىمەن قوسا, جيىنعا قاتىسۋشىلار الداعى ۋاقىتتا امفيتەاتردان بولەك, ەجەلگى كورمە جانە گالەرەيانى قايتا قالپىنا كەلتىرۋ جايىن دا ءسوز ەتتى.
وتىرىستىڭ قورىتىندىسى بويىنشا كەڭەس توراعاسى, قالا اكىمى مۇرات دۇيسەنبەك ۇلى ەسكى قالانىڭ كەيىنگى كەزەڭدەرى بويىنشا كونتسەپتسيا دايارلاۋدى جانە ءىس-شارالار جوسپارىن ازىرلەۋدى تاپسىردى.