مەملەكەت جاستارعا ءاردايىم قولداۋ كورسەتەدى

– جەلتوقسان – حالقىمىز ءۇشىن قاستەرلى اي. سوندىقتان بۇل اي تەك توي-دۋمانعا سەبەپ بولماۋى كەرەك. كەرىسىنشە, جەلتوقساندا وتكەن شارالاردان ونەگە الىپ, بابالارعا تاعزىم ەتىپ, تاۋەلسىزدىكتىڭ قادىرىن زەردەلەۋىمىز قاجەت. اسىرەسە, وزدەرىڭىزدەي جاستار ەلىمىزدى نىعايتۋ جانە دامىتۋ ءۇشىن جۇمىس ىستەۋى ءتيىس. جاستاردىڭ ەڭ باستى ميسسياسى – ەلگە قىزمەت ەتۋ, ەلدى جاڭا بەلەستەرگە جەتكىزۋ. ەلگە قىزمەت ەتۋ دەگەن بيلىك تۇتقاسىن ۇستاپ, شەنەۋنىك بولۋ دەگەن ءسوز ەمەس. سىزدەر ارقايسىڭىز ءوز سالا­لارىڭىزدا جەتىستىككە جەتىپ, بيىكتەن كورىنسەڭىزدەر – ەلدىڭ دامۋىنا قوسىلعان ەڭ ۇلكەن ۇلەس سول, – دەدى سەنات سپيكەرى.

ماۋلەن اشىمباەۆ پاندەميا ساباعىنا قاتىستى ءوز پىكىرىمەن ءبولىستى. اتاپ ايتقاندا ول قور­شا­عان ورتا مەن ماتەريالدىق رەسۋرس­تارعا ۇقىپتى قاراۋدىڭ ماڭىز­دىلىعىنا توقتالدى.

– تابيعات پەن قورشاعان ورتاعا دەگەن كوزقاراس وزگەرۋى كەرەك. ەل پرەزيدەنتىنىڭ تىكەلەي قا­تىسۋىمەن بۇگىندە ەكولوگيالىق قوزعالىس قارقىن الۋدا. مەملەكەت باسشىسىنىڭ بۇل باستامالارىن قولداۋ ماڭىزدى. ادامداردىڭ جانە بۇكىل مەملەكەتتىڭ كۇندەلىكتى ومىرىنە Sustainable Development – ورنىقتى دامۋ قاعيداتتارىن ەنگىزۋ قاجەت. پاندەميانىڭ باس­تى قورىتىندىلارىنىڭ ءبىرى – تابيعاتقا ۇقىپتى قاراۋدى دامىتىپ, تۇتىنۋشىلىق مىنەز-ق ۇلىق ۇلگىلەرىنەن ارىلۋ, – دەدى ماۋلەن اشىمباەۆ.

سەنات توراعاسىنىڭ پىكىرىنشە, بيىلعى جىلدىڭ تاعى ءبىر ساباعى – كۇن­دەلىكتى ومىردە ادامي قاتىناس­تارعا باسىمدىق بەرۋ.

– پاندەميا كەزىندە ەلىمىزدە قيىن جاعدايعا تاپ بولعان جان­دارعا رياسىز كومەكتەسۋگە دا­يىن جاۋاپتى ادامدار كوپ ەكەنى­نە ءبارىمىز كوز جەتكىزدىك. كەشە عانا قاسىم-جومارت كەمەل ۇلى ۆو­لونتەر جىلىنىڭ جابىلۋىندا بۇل تۋرالى جان-جاقتى ايتقان بولاتىن. راسىندا دا, ءبىز وتان­داس­تارىمىزدىڭ يگى ىستەرىمەن ماق­تانا الامىز. ءبىزدىڭ قوعام, شىن مانىندە, وتە جاۋاپتى ەكەنىن جانە قازاقستاندىقتار قانداي دا ءبىر ادامدار تاپ بولاتىن پروبلە­مالارعا نەمقۇرايدى قاراي المايتىنىن كورسەتتى, – دەدى ول.

سونداي-اق سەنات سپيكەرى پان­دەميا سالاماتتى ءومىر سالتىن قا­لىپتاستىرۋ قاجەتتىلىگىن كورسەت­كەنىن اتاپ ءوتتى. اسىرەسە, يممۋ­ني­تەتتى كوتەرۋگە نازار اۋدارىپ, جامان ادەتتەردەن باس تارتۋ جانە سپورتپەن شۇعىلدانۋ ماڭىزدى ەكەنىنە توقتالدى. سونى­مەن قاتار م.اشىمباەۆ پاندەميا قو­رىتىندىلارىنىڭ ءبىرى رەتىندە – بازالىق كاسىپتەردىڭ ماڭىز­دى­لىعىن اتادى.

– بازالىق ماماندىقتارعا قۇر­مەتپەن قاراپ, ولاردىڭ كەز كەلگەن مەملەكەت ءۇشىن ماڭىز­دى­لىعىن ءتۇسىنۋ قاجەت. پاندە­ميا­مەن كۇرەستە ءبىزدىڭ بۇكىل قوعام دارىگەرلەرگە, مەديتسينا قىز­­مەت­­كەرلەرىنە, جەدەل جاردەم جانە قوعامدىق كولىك جۇرگىزۋشى­ل­ەرى­نە, كوممۋنالدىق قىزمەت جۇ­مىس­­شىلارىنا سۇيەندى. بەدەلدى كورىنگەن ماماندىقتاردىڭ ارتى­نان جۇ­گىرە بەرۋدىڭ قاجەتى جوق. ادام­دار مەن قوعامعا قىزمەت ەتۋگە مۇمكىندىك بەرەتىن مامان­دىق­تار­دى تاڭداۋ قاجەت. ادام باقى­تى­نىڭ نەگىزى – جاسامپازدىق جانە ادام­­داردىڭ يگىلىگى ءۇشىن پايدالى ىستەر اتقارۋ, – دەدى سەنات توراعاسى.

سوڭىندا ماۋلەن اشىمباەۆ جاس­تارعا الدارىنا ۇلكەن ماقسات­تار قويۋدىڭ, ءوز بەتىنشە تىنىمسىز ەڭبەك ەتۋدىڭ ماڭىزىن ايتتى, سون­داي-اق مەملەكەتتىك ينستيتۋتتار ولاردىڭ باستامالارىنا ءاردايىم قولداۋمەن قاجەتتى كومەك كورسەتەدى دەپ سەندىردى.

ءىس-شارا بارىسىندا اقپارات جانە قوعامدىق دامۋ ءمينيسترى ايدا بالاەۆا ZEREN جوبا­سى­نىڭ قورىتىندىلارى مەن جاستار­دى قولداۋ بويىنشا ىسكە اسىرىلىپ جاتقان شارالار تۋرالى ايتىپ بەردى.

– «جوبا اياسىندا جاستار ءتۇرلى سالا بويىنشا وقىتۋ پلاتفورمالارىنا قاتىسىپ, بىلىمدەرىن جەتىلدىرۋگە مۇمكىندىك الدى. 2500-گە جۋىق جاستار وكىلدەرى جوباعا قاتىسىپ, ءبىلىم الدى, كاسىبي ماماندارمەن كەزدەسىپ, وي-پىكىر الماستى, – دەدى ايدا بالاەۆا.

Open Talks شاراسىنا ەلى­مىز­دىڭ بارلىق وڭىرلەرىنەن جاس ۆولونتەرلەر, ەكولوگيالىق بەلسەندىلەر, مەديتسينالىق جانە عىلىمي قىز­مەتكەرلەر, پرەزيدەنتتىك جاستار كادرلىق رەزەرۆىنىڭ مۇشەلەرى, جاستار بىرلەستىكتەرىنىڭ كوشباس­شىلارى, «بولاشاق» ستيپەنديات­تارى, كوللەدجدەر مەن جوو ستۋ­دەنتتەرى قاتىستى.

ءىس-شارا جەمىستى عىلىمي, شى­عار­­ماشىلىق, قوعامدىق قىزمەتى, سونداي-اق جوعارى سپورتتىق جەتىستىكتەرى ءۇشىن 2020 جىلعى «دا­رىن» مەملەكەتتىك جاستار سىي­لى­عىنىڭ لاۋرەاتتارىن ماراپات­تاۋمەن اياقتالدى. ZEREN جوباسى 2018 جىلدان باستاپ جۇزەگە اسىرىلىپ كەلەدى. بۇل – بيزنەس-جوبالاردى ىسكە اسىرۋعا, قازاقستاننىڭ تۇكپىر-تۇكپىرىنەن بەلسەندى جانە تالانتتى جاستاردى انىقتاۋعا, ولاردىڭ باسىن قوسۋعا ارنالعان الاڭ.