ساپارحان وماروۆ «تسيفرلىق اۋىل شارۋاشىلىعى: مۇمكىندىكتەر مەن سىن-تەگەۋرىندەر» اتتى ورتالىق ازيا ەلدەرىنىڭ اۋىل شارۋاشىلىعى مينيسترلەرىنىڭ II كەڭەسىنە قاتىستى
كەڭەسكە قازاقستان, قىرعىزستان, تاجىكستان, تۇرىكمەنستان جانە وزبەكستان مەملەكەتىنىڭ اۋىل شارۋاشىلىعى مينيسترلەرى, سونداي-اق بۇۇ, دۇنيەجۇزىلىك بانك, ەۋروپالىق قايتا قۇرۋ جانە دامۋ بانكى, ەۋرازيالىق, ازيا جانە يسلام دامۋ بانكى, اۋىل شارۋاشىلىعىن دامىتۋدىڭ حالىقارالىق قورىنىڭ وكىلدەرى قاتىستى.
كەزدەسۋدىڭ ماقساتى – ورتالىق ازياداعى فاو ۇيىمىنا مۇشە مەملەكەتتەردە تسيفرلىق اۋىل شارۋاشىلىعىن دامىتۋ ستراتەگيالارىن ازىرلەۋ مەن ىسكە اسىرۋعا قويىلاتىن تالاپتاردى بىرىڭعاي جۇيەگە كەلتىرۋ. سونىمەن قاتار, قاتىسۋشىلار وزىق تاجىريبەلەرمەن الماسىپ, قىسقا مەرزىمدى يننوۆاتسيالىق تسيفرلىق تەحنولوگيالاردى ىسكە اسىرۋ سالاسىنداعى ايماقىشىلىك ىنتىماقتاستىقتىڭ الەۋەتىن انىقتادى.
ءوز سوزىندە قر اشم باسشىسى ساپارحان وماروۆ قازاقستاننىڭ تسيفرلاندىرۋ, ونىڭ ىشىندە اۋىل شارۋاشىلىعى سالاسىنداعى مەملەكەتتىك ساياساتى تۋرالى, اشم-ءىنىڭ اوك-كە جاڭا تەحنولوگيالاردى ەنگىزۋ بويىنشا ۇستانىمى, سونداي-اق اۋىلدىق جەرلەردە ءساتتى ىسكە اسىرىلعان IT-جوبالار تۋرالى ايتىپ بەردى.
«تسيفرلىق يننوۆاتسيالاردا دالدىك, اۆتوماتتاندىرۋ جانە باسقارۋ سياقتى جاڭا مۇمكىندىكتەردىڭ ارقاسىندا ەكونوميكالىق ءوسىمنىڭ ۇلكەن الەۋەتى بار. سوندىقتان قازاقستانداعى تسيفرلاندىرۋ ۇلتتىق ەكونوميكانى ءارتاراپتاندىرۋدىڭ, ونى شيكىزاتتىق باعداردان سەرۆيستىك-يندۋستريالدى مودەلىنە قايتا باعدارلاۋدىڭ نەگىزگى جولى رەتىندە قاراستىرىلادى. قر اشم فەرمەرگە ارنالعان تسيفرلاندىرۋدى ەنگىزۋ جانە ونىڭ قىزمەتىن جەڭىلدەتۋ باعىتىندا بەلسەندىلىك تانىتۋدا», - دەدى س.وماروۆ.
بۇگىندە قر اشم مەملەكەتتىك باسقارۋ, رەتتەۋ جانە مەملەكەتتىك قىزمەت ۇدەرىستەرىن بارىنشا اۆتوماتتاندىرۋدا. سونداي-اق, مينيسترلىك «ناقتى اۋىل شارۋاشىلىعىن» جانە ەلىمىزدىڭ بارلىق وڭىرلەرىندە «تسيفرلىق فەرمالار» جوباسىن ەنگىزۋدە.
«قازاقستاندىق فەرمەر قازىرگى زامانعى تەحنولوگيا نەگىزىندە ويلاۋعا جانە ونىمەن بىرگە جۇمىس ىستەۋگە ۇمتىلادى. اشم جاڭا جابدىقتاردى ەنگىزۋدى, سمارت-جۇيەلەردى ساتىپ الۋدى, باسقارۋشىلىقتا ىت-شەشىمدەردى پايدالانۋدى ۇسىنادى جانە وعان ىنتالاندىرادى. مال شارۋاشىلىعىندا سمارت-جۇيەلەردى ءپايدالانۋ سۇت پەن تولدەۋدىڭ كورسەتكىشىن 20%-عا ارتتىرۋعا مۇمكىندىك بەردى, وسىمدىك شارۋاشىلىعىندا پيلوتتىق نىساندارداعى ەنگىزىلگەن جاڭا تەحنولوگيالاردىڭ ارقاسىندا 30%-عا دەيىن ءونىم الىندى. سايكەسىنشە, فەرمەرلەردىڭ شىعىندارى 20%-عا قىسقاردى», - دەپ تولىقتىردى مينيستر.
ساپارحان وماروۆ: اۋىل شارۋاشىلىعى سۋبسيديالارىنىڭ بارلىق 16 باعىتى بويىنشا پروتسەستەردى اۆتوماتتاندىرۋ, استىقتى ونلاين-ساتۋدىڭ پلاتفورماسى, ەگىس ەگۋ مەرزىمدەرىن ۇسىنۋ فۋنكتسياسى بار قازگيدرومەت ورتالىعىنىڭ قوسىمشاسى, توپىراقتاعى ءونىمدى ىلعال قورلارى تۋرالى اقپاراتتاندىرۋ, جەردى قاشىقتىقتان زوندتاۋ جۇيەسىن ىسكە قوسۋ جانە ت. ب. ىسكە اسىرىلعان ءىرى جوبالاردى اتاپ ءوتتى.
بۇگىندە قر اشم ازىق-ت ۇلىك جانە ازىق-ت ۇلىك قاۋىپسىزدىگىن, ءونىمنىڭ ەكسپورتى/يمپورتىنىڭ اشىقتىعىن قامتاماسىز ەتەتىن اۋىل شارۋاشىلىعى ونىمدەرىن قاداعالاۋ جۇيەسى, سونداي-اق نارىقتى كونترافاكتىلىك تاۋارلاردان قورعايتىن اوك ونىمدەرىن تاڭبالاۋ جۇيەسىن ەنگىزۋگە دايىن تۇر. تاياۋدا اگروونىمنىڭ ەلەكتروندىق ساۋدا الاڭىن ىسكە قوسۋ جوسپارلانۋدا. بۇل جۇيە جوسىقسىز دەلدالداردىڭ سانىن قىسقارتۋعا, تىكەلەي ساتۋ كولەمىن 20%-عا دەيىن ارتتىرۋعا سەپتىگىن تيگىزەدى.
سونداي-اق, قر اشم فەرمەرلەردىڭ تسيفرلىق جابدىقتاردى, زاماناۋي اۋىل شارۋاشىلىعى تەحنولوگياسىن ساتىپ الۋىنا سۋبسيديا ەنگىزدى, ادامي كاپيتالدى دامىتۋ, فەرمەرلەردىڭ تسيفرلىق ساۋاتتىلىعىن ارتتىرۋ جانە اوك سالاسىنداعى «تسيفرلىق» پاندەر بويىنشا مامانداردى وقىتۋ ۇيىمداستىرىلدى.
«اوك-دە مەملەكەتتىك باسقارۋدى تسيفرلاندىرۋدىڭ اعىمداعى دەڭگەيى – بىزگە اۋىل شارۋاشىلىعىنا تسيفرلىق تەحنولوگيالاردى ەنگىزۋدى وڭ باعالاۋعا مۇمكىندىك بەرەدى. بۇل رەتتە, قازاقستان اتالمىش پروتسەسكە حالىقارالىق دەڭگەيدە ۇلكەن تابىستارعا جەتكەن ۇزدىك كومپانيالاردى تارتۋعا اشىق. بۇل ءوزارا ءتيىمدى تاجىريبە الماسۋعا ىقپالىن تيگىزەدى. سوندىقتان اۋىل شارۋاشىلىعىن تسيفرلاندىرۋ سالاسىنداعى ىشكى وڭىرلىك ىنتىماقتاستىقتىڭ ستراتەگيالىق باعىتتارىن ايقىنداۋدىڭ ماڭىزى زور», - دەدى ساپارحان وماروۆ.