ەلوردانىڭ 152 مىڭ تۇرعىنى وزدەرىن سايلاۋشىلار تىزىمىندە, سونداي-اق قازاقستان رەسپۋبليكاسى پارلامەنتى ءماجىلىسى مەن ءماسليحات دەپۋتاتتارىن سايلاۋدا ءوز سايلاۋ ۋچاسكەلەرىن تەكسەردى. بۇل تۋرالى «Astana Innovation» اق باسقارما توراعاسىنىڭ ورىنباسارى اسقار تاكسيموۆ اكىمدىكتىڭ Instagram-داعى رەسمي پاراقشاسىندا وتكەن تىكەلەي ەفير بارىسىندا ايتتى.
«نۇر-سۇلتاننىڭ 152 مىڭنان استام تۇرعىنى سايلاۋشىلار تىزىمدەرى مەن ءوز سايلاۋ ۋچاسكەلەرىن تەكسەردى. داۋىس بەرۋشىلەر تىزىمدەرى تۇرعىلىقتى جەرى بويىنشا تۇراقتى تىركەۋ نەگىزىندە قۇرىلادى», - دەدى اسقار تاكسيموۆ.
سايلاۋ ۋچاسكەسىن سايلاۋ كۇنى تۇراقتى تىركەۋ ورنىندا بولماۋىنا بايلانىستى اۋىستىرۋ ءۇشىن ءسىز 10 جەلتوقسانعا دەيىن ءتيىستى سايلاۋشىلار تىزىمىنە ەنگىزۋ تۋرالى جازباشا وتىنىشپەن تۇرعىلىقتى جەرىڭىزدەگى جەرگىلىكتى اتقارۋشى ورگانعا جۇگىنۋىڭىز كەرەك. ورگان ءوز كەزەگىندە ازاماتتى تىركەۋ ورنى بويىنشا سايلاۋشىلار تىزىمىنەن شىعارۋدى جانە ونى ءوزى داۋىس بەرۋدى جوسپارلاپ وتىرعان سايلاۋشىلار تىزىمىنە ەنگىزۋدى ۇيىمداستىرادى.
سپيكەر سونىمەن قاتار ءوزىڭىزدى سايلاۋشىلار تىزىمىنەن تەكسەرىپ, ءوز ۋچاسكەڭىزدى قالاي تابۋعا بولاتىندىعى تۋرالى ايتتى.
«قالا تۇرعىندارى ءۇشىن سايلاۋ ۋچاسكەسىن تەكسەرۋ قىزمەتتەرى ىسكە قوسىلدى. سايلاۋ ۋچاسكەسىن تەكسەرۋدىڭ ءتورت ءادىسى بار. ءبىرىنشىسى - نۇر-سۇقالاسى اكىمدىگىنىڭ astana.gov.kz ۆەب-پورتالى. ونىڭ باستى بەتىندە ء«وز سايلاۋ ۋچاسكەڭدى تاپ» دەگەن باننەر بار. ەكىنشىسى - «Smart Services» ءموبيلدى قوسىمشاسى, «قالالىق قىزمەتتەر» ءبولىمى. ءۇشىنشىسى - @smartastana_bot تەلەگرام چات-بوتى, «قىزمەتتەر» ءبولىمى. ءتورتىنشى - 109 تاۋلىك بويى قوڭىراۋ شالۋ ارقىلى iKomek بايلانىس ورتالىعى. ءسىز تەلەفون نەمەسە ەلەكتروندى پوشتا ارقىلى جۇگىنە الاسىز. ينتەرنەتتە ءسىز سايلاۋ ۋچاسكەسىنىڭ ءنومىرىن, ورتالىقتىڭ مەكەن-جايى مەن اتاۋىن, سونداي-اق كارتادا سايلاۋ ۋچاسكەسىنىڭ ورنالاسقان جەرى تۋرالى بەلگى الا الاسىز», - دەپ ءتۇسىندىردى سپيكەر.
سونىمەن بىرگە ونلاين رەجيمدە تەكسەرۋ كەزىندە ءسىز جسن, تەگى, اتى, اكەسىنىڭ اتى جانە تۋعان كۇنى نەمەسە سايلاۋشى تىركەلگەن نىساننىڭ (كوشە, ءۇي) مەكەن-جايىن كورسەتۋىڭىز كەرەك.
تىكەلەي ەفيردىڭ تولىق نۇسقاسى ەلوردا اكىمدىگىنىڭ رەسمي Instagram پاراقشاسىندا قول جەتىمدى.