حالىقارالىق سىبايلاس جەمقورلىققا قارسى كۇرەس كۇنى قارساڭىندا 2020 جىلعى 8 جەلتوقساندا العاش رەت ونلاين-فورماتتا نۇرسۇلتان نازارباەۆ قورىنىڭ, ەقىۇ جانە باسقا دا بىرقاتار سەرىكتەستەردىڭ قولداۋىمەن سىبايلاس جەمقورلىققا قارسى ءىس-قيمىل اگەنتتىگىنىڭ ۇيىمداستىرۋىمەن «پاراساتتىلىققا اپاراتىن سارا جول: ايقىندىلىقتى, ەسەپتىلىكتى جانە قوعامدىق قاتىسۋدى ارتتىرۋ» اتتى VI ءداستۇرلى كونفەرەنتسيا ءوتتى.
كونفەرەنتسيانى اشقان اليك شپەكباەۆ قازاقستاننىڭ جەمقورلىققا قارسى ساياساتى وزىق حالىقارالىق ستاندارتتار نەگىزىندە جەتىلدىرۋدى جالعاستىرىپ كەلە جاتقانىن اتاپ ءوتتى. ء«بىز ساياسي جاڭعىرۋعا باسىمدىق بەرۋ ارقىلى كەشەندى ءتاسىلدىڭ ماڭىزدىلىعىن تۇسىنە وتىرىپ, جەمقورلىققا قارسى رەفورمالار جۇرگىزۋدەمىز», - دەدى انتيكور توراعاسى.سونداي-اق, موڭعوليا مەن وزبەكستاننىڭ سىبايلاس جەمقورلىققا قارسى ۆەدومستۆولارىنىڭ ءبىرىنشى باسشىلارى د. زاندراا مەن ا.بۋرحانوۆ, قحر مەملەكەتتىك قاداعالاۋ كوميسسياسى باسشىسىنىڭ ورىنباسارى ليۋ سي ءوز سوزدەرىندە اسىرەسە, بۇكىل الەمدە مەملەكەتتىك ينستيتۋتتارعا سەنىم تومەندەگەن پاندەميا كەزىندە جەمقورلىققا قارسى پارمەندى كۇرەستىڭ ستراتەگيالىق ماڭىزدىلىعىن اتاپ ءوتتى.بۇۇ ەقب باعدارلامالىق كەڭسەسىنىڭ باسشىسى ن. رياز جانە بۇۇدب تۇراقتى وكىلى يا. بەريش قازاقستاننىڭ بۇۇ سىبايلاس جەمقورلىققا قارسى كونۆەنتسياسىنىڭ نەگىزگى ەرەجەلەرىن ەنگىزۋ بويىنشا وراسان زور قادامدار جاساپ جاتقانىن اتاپ ءوتتى.قاتىسۋشىلار جەمقورلىققا قارسى باستامالاردىڭ تيىمدىلىگىن باعالاۋ تاسىلدەرىن, اشىقتىق پەن قوعامدىق باقىلاۋدى قامتاماسىز ەتۋ تەتىكتەرىن, سىبايلاس جەمقورلىق قىلمىستار ءۇشىن جاۋاپكەرشىلىككە تارتۋ تاجىريبەسىن, سونداي-اق جەمقورلىققا قارسى ءىس-قيمىلدىڭ تسيفرلىق قۇرالدارىن تالقىلادى. ءىس-شارا قورىتىندىسى بويىنشا شەتەلدىك سەرىكتەستەرمەن جانە ۇەۇ-مەن ودان ءارى ىنتىماقتاستىق تۋرالى ۋاعدالاستىقتارعا قول جەتكىزىلىپ, ەلدىڭ سىبايلاس جەمقورلىققا قارسى ساياساتىن ودان ءارى دامىتۋدىڭ ىقتيمال باعىتتارى ايقىندالدى.