پاۆلودار وبلىسىنىڭ پوليتسيا دەپارتامەنتى وڭىردەگى كولدەردىڭ بىرىنەن مۇز بولىپ قاتىپ قالعان 26 جىلقىنىڭ تابىلعانىن ايتتى, دەپ حابارلايدى Egemen.kz
پوليتسيا جوعالعان تابىندى ىزدەستىرۋ بارىسىندا ولگەن جانۋارلاردى تاپقان. جىلقىلار اققۋلى اۋدانىنداعى فەرمەرلەردىڭ بىرىنە تيەسىلى. فەرمەر جانۋارلاردىڭ جوعالعانى تۋرالى 4 جەلتوقساندا حابارلاعان.
اققۋلى اۋدانىنىڭ پوليتسيا ءبولىمىنىڭ باسشىسى تاسقىن بوديەۆ: "مال يەسىنىڭ ايتۋىنشا, 1 جەلتوقسانعا قاراعان ءتۇنى قازى اۋىلىنان 10 شاقىرىم جەردە ورنالاسقان جايىلىمنان بەلگىسىز بىرەۋلەر 26 جىلقى ۇرلاعان. بىرنەشە كۇن بويى ول جوعالعان جىلقىلاردى ءوز بەتىنشە تابۋعا تىرىسقان, بىراق ىزدەستىرۋ جۇمىستارى ناتيجە بەرمەگەن سوڭ پوليتسيادان كومەك سۇراعان", دەدى ول.
جوعالعان جىلقىلاردى تەك اۋدان پوليتسەيلەرى عانا ەمەس, سونىمەن قاتار شەكارالاس ايماقتار دا ىزدەستىرىپ, قولۇشىن تيگىزگەن. بىرنەشە جۇمىلدىرۋ توپتارىنا بولىنگەن قىزمەتكەرلەر جاقىن ماڭداعى بارلىق اۋماق پەن جايىلىمدى تەكسەرگەن.
"6 جەلتوقساندا ىزدەۋ ناتيجەسىندە قازى اۋىلىنان 15 شاقىرىم جەردە ورنالاسقان بورلى كولىنەن 26 جىلقىنىڭ ءمايىتى تابىلدى. جانۋارلار مۇز بولىپ قاتىپ قالعان", دەدى ت.بوديەۆ.