«تسيفرلىق قازاقستان» مەملەكەتتىك باعدارلاماسى اياسىندا ەلدىمەكەندەردى ينتەرنەتكە قول جەتىمدىلىگىن قامتاماسىز ەتۋ ءىسى جارما اۋدانىندا ەرەكشە قارقىن الىپ وتىر.
اۋىلدىق جەرلەردى كەڭ جولاقتى ينتەرنەتپەن قامتۋدى جالعاستىرۋ ءۇشىن 2018-2022 جىلدار اراسىندا تالشىقتى-وپتيكالىق جانە LTE جەلىلەرىن كەزەڭ-كەزەڭمەن سالۋ ءىسى جۇزەگە اسىپ جاتىر.
2019 جىلى جارما, سۋىقبۇلاق, جاڭعىزتوبە كەنتتەرى جانە قاپانبۇلاق,شالاباي, جاڭاوزەن, ۇشبيىك اۋىلدارى تالشىقتى-وپتيكالىق جەلىگە قوسىلعان بولاتىن. ياعني, مۇنداعى جەرگىلىكتى اكىمدىك پەن دەنساۋلىق ساقتاۋ جانە ءبىلىم بەرۋ نىساندارى قامتىلدى. جوسپارلى جۇمىسقا سايكەس وسى جىلى ەكىنشى كەزەڭ – LTE ستاندارتىنداعى ءموبيلدى جەلى ارقىلى 6 اۋىلدى ينتەرنەتپەن قامتۋ جوسپارلانعان. بۇگىنگى تاڭدا بەلتەرەك اۋىلىندا ۇيالى بايلانىس قۇرىلعىسى ورناپ, قوسىلۋ الدىندا تۇر. ال بىرلىك اۋىلىندا تۇرعىندار تالشىقتى-وپتيكالىق جەلىگە قوسىلۋدا. سونىمەن بىرگە ۇيالى تەلەفون بايلىنىسى جەلىسىن تارتۋ جۇمىستارى جۇزەگە اسادى.
كۇنى كەشە عانا قىزىلاعاش اۋىلىنا ۇيالى بايلانىس جەلىسى تارتىلسا, بۇعان دەيىن جارىق اۋىلىندا ىسكە قوسىلعان بولاتىن. اتالمىش اۋىل تۇرعىندارى ۇيالى تەلەفون بايلانىسىنا قول جەتكىزىپ, عالامتور جەلىسىنە قوسىلۋلارىنا مۇمكىندىك تۋدى. ەندى جارما كەنتى مەن كىشى قاراسۋ اۋىلدارىن ۇيالى بايلانىسپەن قامتۋ ءىسى كەزەگىن كۇتىپ تۇر. الداعى ۋاقىتتا بوجىعۇر, بىرلىكشىل جانە قاراتوبە اۋىلدىق وكرۋگتەرى دە نازارعا الىنادى.
شىعىس قازاقستان وبلىسى
جارما اۋدانى