ماقسات – اۋرۋدى اۋىزدىقتاۋ

ونىڭ بىردەن-ءبىر سەبەبى – جەر-جەرلەردە قۇرىلعان مو­نيتورينگتىك توپ سانيتارلىق تالاپتاردىڭ ساقتالۋىن قا­تاڭ قاداعالاۋىنا الدى. وب­لىستىق باس سانيتارلىق دارى­گەردىڭ قاۋلىسى شىعا سا­لا ءتيىستى سالا ماماندارىنان قۇ­رىلعان مونيتورينگتىك توپ­تار­دىڭ جۇمىسى كۇشەيدى. قو­عامدىق ورىنداردا ۇنەمى رەيد جۇمىستارىن جۇرگىزىپ كەلەدى. ءتارتىپ قاتايعانىمەن, ەرەجە بۇزۋ فاكتىلەرى ءالى دە بار. ماسەلەن, وبلىس ورتا­لى­­عىندا ءبىر كۇندە 80 نىسان تەك­سەرىلدى. ناتيجەسىندە, دەما­لىس كۇنى جۇمىسىن توقتات­پا­عان «شانحاي» اۆتوجۋ مە­­كە­مەسىنىڭ قوجايىنىنا ­319 470 تەڭگە ايىپپۇل سالىن­دى. سونداي-اق «راۋان», «رۋبين», «دانيل», «Fix Price» دۇ­كەن­دەرى مەن «ازاليا» گۇل سا­تاتىن دۇڭگىرشەگىندە سا­ني­تارلىق نورمالاردىڭ ساق­تالماعانى انىقتالدى. ايىپ­پۇلدىڭ جالپى سوماسى – 208 350 تەڭگە.

اۋرۋدىڭ الدىن الۋ ءۇشىن اۋدانداردا دا قوعامدىق ورىن­دارعا تىڭعىلىقتى تەكسە­رۋ جۇمىستارى اتقارىلىپ جا­تىر. كۋرچاتوۆ قالاسىندا 5 نى­ساندا رەيد جۇرگىزىلىپ, سا­نيتارلىق ەرەجەلەردى ساقتا­ما­عان ەكەۋىنە ايىپپۇل سالىندى.

جارما اۋدانىندا سا­ني­تارلىق نورمالاردى بۇز­عان ەكى جاعداي تىركەلىپ, قال­باتاۋ اۋىلىنىڭ تۇرعىنى ر.كاپسلياموۆاعا جانە جاڭ­عىز­توبە كەنتىنىڭ تۇرعىنى گ.قا­سىم­حانعا 41 670 تەڭگەنىڭ حات­تا­ماسى تولتىرىلدى.

ال التاي اۋدانىندا سا­تىپ الۋشىلارعا مە­ديتسي­نا­لىق قولعاپسىز قىز­مەت كور­سەتكەن «فاسول» دۇكە­نى­نىڭ ديرەكتورى اكىمشىلىك جاۋاپ­كەرشىلىككە تارتىلدى.

ءۇرجار اۋدانىنىڭ ما­قانشى اۋىلىندا دۇكەننىڭ ساتۋشىسىندا مەديتسينالىق ماس­كالار قورى بولماعاندىقتان, 41 670 تەڭگەنىڭ ايىپپ ۇلىن ارقالادى. ال ءۇرجار اۋىلىندا دۇكەنگە ماسكاسىز كەلگەن ەكى تۇرعىنعا حاتتاما تولتىرىلدى.

مۇنداي رەيدتىك شارالار كاتونقاراعاي, گلۋبوكوە اۋداندارىندا دا جۇرگىزىلدى. ول جاقتاردان دا تارتىپكە با­عىنباعاندار تابىلدى. زاڭ الدىندا ءبارى بىردەي. ايىپ بىرىنە تاعىلىپ, ەندى ءبىرى جالتارىپ كەتىپ جاتقان جوق. تەكسەرۋ جۇمىستارى ءادىل جۇرگىزىلۋى ءۇشىن موني­تو­رينگتىك توپتاردىڭ جۇمىسىن «شىعىس – ادالدىق الاڭى» جو­بالىق كەڭسەسىنىڭ وكىلدەرى ۇنەمى قاداعالاپ وتىرادى.

– العاشىندا سانيتار­لىق تالاپتاردى ساقتاماعانى ءۇشىن حالىققا ەشكىم ايىپپۇل سالمادى. تەك ءتۇسىندىرۋ جۇ­مىستارىن جۇرگىزىپ كەلگەن. الايدا كوپشىلىك ەرەجەگە با­عىنعىسى كەلمەدى. سول ءۇشىن 16 قازاننان ايىپپۇل سالىنا باستادى. شىندىعىندا, كەيبىرەۋلەر كوروناۆيرۋستان ەمەس, ايىپپۇلدان قورقادى ەكەن. قازىر ءتارتىپ ورناپ كە­لەدى. ساراپتاپ قاراساق, ساني­تارلىق تالاپتار كوبىنەسە تۇن­دە بۇزىلادى. مىسالى, توي جاساۋ ءالى دە تىيىلماي تۇر, – دەيدى «شىعىس – ادال­دىق الاڭى» جوبالىق كەڭ­سە­سىنىڭ جەتەكشىسى مارجان باقىتقىزى.

سايىپ كەلگەندە اتقارى­لىپ جاتقان شارۋالاردىڭ بارلىعى حالىقتىڭ ساۋلىعى ءۇشىن. الايدا سونى تۇسىن­بە­گەندەر قاراپايىم عانا ەرە­جەنى ساقتاۋدىڭ ورنىنا مو­نيتورينگتىك توپ مۇشە­لە­رىنە قارسىلاسىپ, قو­قان-لوقى دا كورسەتەتىن كو­رى­نەدى. داۋلى جاعدايداعى حات­­تاما سوتقا جولدانادى. وبلىس ورتا­لىعىنداعى رەيد­­تىك شارالار كەزىندە ءبىر تۇر­عىنعا قاتىستى ماتە­ريال وسكەمەن قالاسىنىڭ ما­ماندان­دى­رىلعان اكىمشىلىك سوتىنا جىبەرىلدى.

ايتا كەتسەك, شىعىس قا­­زاق­­ستان وبلىسىندا 128 مو­­نيتورينگتىك توپ جۇمىس ىس­تەيدى. ولاردىڭ قۇرامىنا پوليتسيا قىزمەتكەرلەرى, جەر­گىلىكتى اتقارۋشى ورگاندار­دىڭ وكىلدەرى, تاۋارلار مەن كورسەتىلەتىن قىزمەتتەردىڭ سا­پاسى مەن قاۋىپسىزدىگىن با­قىلاۋ باسقارمالارىنىڭ ما­ما­ندارى كىرەدى. ايماقتاعى احۋال تۇراقتالعانشا بۇل با­عىتتاعى جۇمىستار جالعاسا بەرمەك.