“نۇر وتان” پارتياسىنىڭ كوشباسشىلىق قىزمەتىن جانداندىرۋدىڭ نەگىزى باستاۋىش پارتيا ۇيىمدارى جۇمىسىن ءارتاراپتاندىرىپ, ءىس جۇيەسىن قالىپتاستىرۋ بولىپ تابىلادى. بۇل بويىنشا پارتيا ىرگەتاسى سانالاتىن باستاۋىش ۇيىمداردى قولداۋدىڭ تيىمدىلىگى كوپ. “نۇر وتان” حدپ قىزىلوردا وبلىستىق فيليالىنىڭ ۇيىمداستىرۋىمەن وتكەن باستاۋىش پارتيا ۇيىمدارى توراعالارىنىڭ ايماقتىق فورۋمىندا وسى تيىمدىلىك تاعى ءبىر قىرىنان ايعاقتالدى.
فورۋم جۇمىسى ەكى باعىتتا ءجۇردى. العاشقىسى “رەمپاسساجيرۆاگون” جشس-ءنىڭ ۆاگون قۇراستىرۋ تسەحىندا جۇمىسشىلارمەن جۇزدەسۋدەن باستالدى. جولداۋ جاۋاپكەرشىلىگى مەن ونىڭ ماقساتتارى تۋرالى كەڭ كولەمدى اڭگىمە بولدى. 500-دەي جۇمىسشى قاتىسقان جۇزدەسۋدە پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ولمەسحان بولاتبەكوۆ, تەمىر ۇستاسى نۇربەك مەيىرمانوۆ, سلەسار اسحات توعىزباەۆ, سەرىكتەستىك ديرەكتورىنىڭ ورىنباسارى باقبەرگەن داۋرەنبەكوۆ وي-پىكىرلەرىن ورتاعا سالدى.
ال, قورقىت اتا اتىنداعى مەملەكەتتىك ۋنيۆەرسيتەت بازاسىندا “باستاۋىش پارتيا ۇيىمدارىنىڭ ساياسي-قوعامدىق جۇمىستارىنىڭ نەگىزگى باعىتتارى مەن ۇكىمەتتىك ەمەس ۇيىمدارمەن بىرىگىپ جۇمىستار ءجۇرگىزۋدى جاقسارتۋ جولدارى”, “باستاۋىش پارتيا ۇيىمدارىنىڭ ەلىمىزدىڭ يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋداعى ءرولى مەن مىندەتتەرى” تاقىرىپتارىندا ەكى سەكتسيالىق جۇمىس جۇرگىزىلدى.
مۇنان كەيىن پلەنارلىق ءماجىلىس باستالدى. ونى پارتيانىڭ وبلىستىق فيليالىنىڭ توراعاسى نۇرلان قۇبايبەرگەنوۆ جۇرگىزىپ وتىردى. ماجىلىستە بايانداما جاساعاندار سەكتسيالىق جۇمىستىڭ ءمانىن, باستاۋىش پارتيا ۇيىمدارىنىڭ ءرولىن ارتتىرۋ مەن ءيميدجىن كوتەرۋ جايىن ءسوز ەتتى. سونداي-اق, فورۋمنىڭ جەتى ۇسىنىسى قابىلداندى.
بۇعان دەيىن “ەڭ ۇزدىك باستاۋىش پارتيا ۇيىمى” بايقاۋى وتكىزىلگەن بولاتىن. بايقاۋ جەڭىمپازدارى القالى جيىن بارىسىندا باعالى سىيلىقتار الدى.
تۇستەن كەيىن فورۋمعا قاتىسۋشىلار ءوزارا تاجىريبە الماستى جانە ۇلگىلى ۇيىمدار جۇمىسىمەن تانىستى.
ەركىن ءابىل, قىزىلوردا.