ءموبيلدى توپتار كارانتين ءتارتىبىن ساقتاۋ بويىنشا رەيدتەردى جالعاستىرۋدا. پوليتسيا قىزمەتكەرلەرى, اۋدان اكىمدىكتەرى وكىلدەرى, ەرىكتىلەر ساۋدا ورتالىقتارىن, كافەلەر مەن مەيرامحانالاردى تەكسەرەدى.
سونىمەن, 30 قاراشادا ساعات 00.54-تە كەستەگە باعىنباي جۇمىس ىستەيتىن «پيرات» سىرا بارى انىقتالدى. سول كۇنى ساعات 00:10-دا تەكسەرۋشىلەر قالالىق ساۋنالاردىڭ بىرىندە زاڭ بۇزۋشىلىقتاردى انىقتادى.
مەنشىك يەلەرىنە قاتىستى جينالعان ماتەريالدار پروتسەسسۋالدىق شەشىم قابىلداۋ ءۇشىن سانيتارلىق-ەپيدەميولوگيالىق باقىلاۋ باسقارماسىنا جىبەرىلدى.
بارلىعى 28 قاراشاداعى جاعداي بويىنشا نۇر-سۇلتان قالاسىنىڭ اۋداندىق سانيتارلىق-ەپيدەميولوگيالىق باقىلاۋ باسقارمالارىنا كارانتيندى بۇزعان ادامدارعا قاتىستى اۋداندىق پوليتسيا باسقارمالارىنان 2176 ماتەريال كەلىپ تۇسكەن. سانيتارلىق نورمالاردى بۇزعانى ءۇشىن 1111 جەكە جانە زاڭدى تۇلعا جالپى سوماسى 219 487 554 تەڭگەنى قۇرايتىن اكىمشىلىك جاۋاپكەرشىلىككە تارتىلدى.
بۇگىنگى تاڭدا جالپى سوماسى 175 316 635 تەڭگەگە 884 اكىمشىلىك ايىپپۇل تولەندى.