بەينەكونفەرەنتسيا فورماتىندا مەملەكەتارالىق سۋ شارۋاشىلىعى ۇيلەستىرۋ كوميسسياسىنىڭ (مۇسك) كەزەكتى 79-شى وتىرىسى ءوتتى. بۇل تۋرالى ەكولوگيا مينيسترلىگى حابارلادى.
قازاقستاننان وعان ەكولوگيا, گەولوگيا جانە تابيعي رەسۋرستار ۆيتسە – ءمينيسترى ەرلان نىسانباەۆ, تۇركىمەنستاننان سۋ رەسۋرستارى مەملەكەتتىك كوميتەتىنىڭ توراعاسى گۋيزگەلدي بايدجانوۆ, وزبەكستان رەسپۋبليكاسىنان – سۋ شارۋاشىلىعى ءمينيسترىنىڭ ورىنباسارى ۆاحيدجون احمادجونوۆ, تاجىكستان رەسپۋبليكاسىنان – ەنەرگەتيكا جانە سۋ رەسۋرستارى ءمينيسترىنىڭ ءبىرىنشى ورىنباسارى دجامشەد شويمزودا قاتىستى.مۇسك وتىرىسىندا ءامۋداريا جانە سىرداريا وزەندەرىن باسسەيندەرىندەگى 2020 جىلعى ۆەگەتاتسيالىق كەزەڭنىڭ قورىتىندىسى شىعارىلدى. سونداي-اق 2020-2021 جج. ۆەگەتاتسيالىق كەزەڭگە ارنالعان سۋ قويمالارىنىڭ جۇمىس رەجيمىنىڭ بولجامدى كەستەلەرى قارالىپ , بەكىتىلدى.سونىمەن قاتار, تاراپتار 2018 جىلى تۇركمەنباشى قالاسىنداعى حالىقارالىق ارالدى قۇتقارۋ قورىنىڭ سامميتىندە مەملەكەت باسشىلارى كوتەرگەن باستامالاردىڭ ورىندالۋ بارىسىن تالقىلادى. سامميتتەگى مەملەكەت باسشىلارىنىڭ باستامالارىن ورىنداۋ جونىندەگى جۇمىستى جالعاستىرۋعا كەلىستى.وتىرىس قورىتىندىسى بويىنشا قاتىسۋشىلار ايماقتاعى سۋ شارۋاشىلىعى ماسەلەلەرىن شەشۋدە مۇسك الاڭى اياسىنداعى ىنتىماقتاستىقتىڭ ماڭىزدىلىعىن اتاپ ءوتتى.