الەمدىك ءساندى تاۋارلار نارىعى رەكوردتىق قۇلدىراۋعا تاپ بولدى

«Bain & Company» حالىقارالىق كونسالتينگتىك   فيرماسىنىڭ جاڭا ەسەبىندە ايتىلعانداي, قىتاي 2025 جىلعا قاراي ەليتالىق تاۋارلاردىڭ ەڭ ۇلكەن نارىعىنا اينالادى, ونىڭ ۇستىنە قىتايلىق تۇتىنۋشىلار  الەمدەگى قىمبات تاۋارلاردىڭ جارتىسىنا جۋىعىن ساتىپ الادى ەكەن. بۇ فاكتور قىتايلىق نارىقتى پاندەميانىڭ قىسپاعىنان قىسىلا قويماعان قۇرلىققا اينالدىرىپتى.    «قىتايلىق تۇتىنۋشىلاردىڭ ۇلەسى ىشكى تۇتىنۋدىڭ بارلىق سەگمەنتتەرىندە, باعالار دياپازونىندا جانە بارلىق بۋىنداردا ءوستى», - دەپ حابارلادى كومپانيا.

ءساندى تاۋارلار نارىعىنىڭ وكىلدەرى مەن ويىنشىلارى قىتاي ساۋداگەرلەرىمەن بايلانىس ورناتۋعا باسىمدىق بەرە باستادى.  قاراشانىڭ باسىندا شۆەيتساريانىڭ Richemont جانە Alibaba قىتايلىق تەحنولوگيالىق  Farfetch ونلاين-ساۋدا پلاتفورماسىنا 1,1 ميلليارد دوللار ينۆەستيتسيالادى. سونىمەن قاتار, Bain & Company  الەمدەگى ءساندى تاۋارلاردىڭ ساتىلىمى بيىل 23% - 217 ملرد ەۋروعا دەيىن, ال كومپانيالاردىڭ وپەراتسيالىق مارجاسى 60% - عا تومەندەيدى دەپ كۇتەدى.

بۇل 2009 جىلدان بەرگى ەڭ ۇلكەن قۇلدىراۋ بولماق. ءساندى تاۋارلار مەن جەكە ۇشاقتاردى, ياحتالاردى, جاقسى شاراپتار مەن تالعامپاز تاعامداردى قامتيتىن ءساندى نارىق تۇتاستاي العاندا تومەندەدى جانە قازىرگى ۋاقىتتا شامامەن 1 ترلن اقش دوللارى. 

ء«بىزدىڭ ارقايسىمىز تەز, كۇتپەگەن وزگەرىستەردىڭ قيىن جىلىن باستان وتكەردىك جانە بۇل ءسان-سالتانات نارىعىنا دا اسەر ەتتى», - دەيدى Bain & Company سەرىكتەسى كلاۋديا د'ارپيسيو. ايتا كەتۋ كەرەك, كلاۋديا د'ارپيسيو      يتالياندىق Altagamma ءساندى تاۋارلار ۇيىمىمەن بىرلەسىپ جاسالعان زەرتتەۋدىڭ جەتەكشى اۆتورى.

«ونەركاسىپ جاھاندىق ساياحاتتاردىڭ توقتاۋى مەن توقتاپ تۇرۋدان زارداپ شەككەنىمەن, ءبىز بۇل داعدارىسقا قارسى شامامىز جەتەدى دەپ ويلايمىز»  - دەدى ول. ەۋروپا الەمدىك تۋريستىك يندۋسترياداعى قۇلدىراۋدىڭ اۋىرتپالىعىن باستان كەشىردى, ايماقتاعى ءساندى تاۋارلاردىڭ ساتىلىمى ۆاليۋتانىڭ اۋىتقۋىن ەسەپتەمەگەندە 36% -عا, 57 ميلليارد ەۋروعا دەيىن تومەندەدى. داعدارىس سولتۇستىك جانە وڭتۇستىك امەريكاعا ونشا اسەر ەتپەدى - ساتىلىمدار 27% تومەندەپ, 62 ميلليارد ەۋرونى قۇرادى.

كونسالتينگتىك كومپانيا ماكروەكونوميكالىق جاعدايلارعا, پاندەميانىڭ دامۋىنا جانە جاھاندىق ءتۋريزمنىڭ قايتا باستالۋ جىلدامدىعىنا بايلانىستى 2022 جىلدىڭ سوڭىنا نەمەسە 2023 جىلدىڭ باسىنا قاراي نارىق 2019 دەڭگەيىنە ورالادى دەپ الداعى ءۇش جىل ىشىندە نارىقتى قالپىنا كەلتىرۋ قارقىن الادى دەپ كۇتەدى. نارىقتاعى ەڭ ناشار بولعان ەكىنشى توقساننان كەيىن ءۇشىنشى توقساندا قالپىنا كەلتىرۋ بەلگىلەرى بايقالدى.

فرانتسۋزدىق Hermes International ءسان ءۇيىنىڭ ساتىلىمى ءۇشىنشى توقساندا جاندانا باستادى, ويتكەنى ساتىپ الۋشىلار قايتادان كلاسسيكالىق بيركين سومكەلەرىن قوسا ساتىپ الا باستادى. قازان ايىندا بريتاندىق Burberry ليۋكس كومپانياسىنىڭ ساتىلىمى دا وسە باستادى

سوڭعىسى كومپانيانىڭ جاڭا جانە جاس ساتىپ الۋشىلاردى تارتۋىنا بايلانىستى قالپىنا كەلتىرۋ جالعاسۋدا دەيدى. ءتورتىنشى توقساندا ساتىلىم 10% -عا تومەندەيدى دەپ كۇتىلۋدە, دەگەنمەن پاندەمياعا جانە قوسىمشا شەكتەۋلەردىڭ ەنگىزىلۋىنە بايلانىستى تومەندەۋ مۇمكىن. سونىمەن قاتار, 2020 جىلى ءساندى تاۋارلاردىڭ ونلاين ساتىلىمى كۇرت ءوسىپ, جالپى شىعىنداردىڭ شامامەن 23% -ىن قۇرادى, بۇل 2019 جىلى 12% -دى قۇرادى, ويتكەنى پاندەميا تۇتىنۋشىلاردى ساتىپ الۋدان باس تارتۋعا ءماجبۇر ەتتى.

Bain & Company ونلاين-دۇكەن 2025 جىلعا قاراي ءساندى تاۋارلاردى ساتىپ الۋدىڭ باستى ارناسىنا اينالادى دەپ بولجايدى.