ەلباسى نۇرسۇلتان نازارباەۆ استانانىڭ جاڭا حالىقارالىق ۋنيۆەرسيتەتىندە وقۋ ءۇشىن 500 گرانت بولۋگە شەشىم قابىلدادى. پرەمەر-مينيستر كارىم ءماسىموۆ cەيسەنبى كۇنى وتكەن ۇكىمەت وتىرىسىندا وسىلاي دەپ حابارلادى.
جوبانىڭ ماڭىزدىلىعىن ەسكەرە وتىرىپ, ەلباسى بيىلعى جىلى وسى ۋنيۆەرسيتەتكە وقۋعا تۇسەتىن تالانتتى تالاپكەرلەرگە 500 گرانت بولۋگە شەشىم قابىلداپ وتىر, دەپ اتاپ كورسەتتى پرەمەر-مينيستر. وسىعان وراي ۇكىمەت باسشىسى قارجى مينيسترلىگى مەن ءبىلىم جانە عىلىم مينيسترلىگىنە قاجەتتى رەسۋرستى ۋاقىتىلى ءبولۋدى قامتاماسىز ەتۋدى تاپسىرسا, استانا قالاسى اكىمدىگى مەن قۇرىلىس جانە تۇرعىن-ءۇي كوممۋنالدىق شارۋاشىلىق ىستەرى اگەنتتىگىنە گرانتتارعا يە بولعان 500 ستۋدەنتكە ارنالعان جاتاقحانا مەن وقىتۋشىلار ءۇشىن قاجەتتى تۇرعىن ۇيلەردى 1 قىركۇيەككە دەيىن دايىنداۋدى تاپسىردى.
پرەزيدەنت ن.نازارباەۆتىڭ باستاماسىمەن سالىنىپ جاتقان جاڭا ۋنيۆەرسيتەت بولاشاقتا ۇلتتىق ءبىلىم بەرۋ جۇيەسى مەن الەمدىك وزىق عىلىمي-ءبىلىم بەرۋ تاجىريبەسىن بىرىكتىرگەن جاڭا كۇشپەن قارۋلانا وتىرىپ, زاماناۋي عىلىمي, مىقتى ينفراقۇرىلىممەن جانە عىلىمي-ينجەنەرلىك كادرلارمەن جۇمىس جاسايتىن بولادى.
استانا ۋنيۆەرسيتەتى الەمنىڭ ۇزدىك 30 جوو-سىمەن ارىپتەستىك قارىم-قاتىناس ورناتاتىن بولادى.
قازىرگى ۋاقىتتا ۋنيۆەرسيتەتتىڭ باكالاۆرياتىنا – ءFoundatىon ءبىرىنشى كۋرس ستۋدەنتتەرىن قابىلداۋ جۇرۋدە. ولاردى 2010 جىلدىڭ 1 قىركۇيەگىندە London College ءUnىversىty-دەن كەلگەن 50 وقىتۋشى اكادەميالىق باعدارلامالارعا وقىتاتىن بولادى. اتاپ ايتساق, ۋنيۆەرسيتەت نەگىزىندە باكالاۆريات باعدارلاماسىمەن ينجەنەرلىك, جاراتىلىستانۋ جانە گۋمانيتارلىق عىلىمدار مەكتەبى, مەديتسينا مەكتەبى اشىلاتىن بولادى.
ۆەنەرا تۇگەلباي.