العاشقى اكتسيا باستاۋ الدى

استانادا ۇلى جەڭىستىڭ 65 جىلدىعىنا ارنالعان مەرەكەلىك ءىس-شارالاردىڭ العاشقىسى “ ۇلى جەڭىس – ارداگەرلەر ومىرىندە” اتتى اكتسيا باستاۋ الدى. قالا اكىمدىگىندە وسى شارانىڭ باستالۋىنا وراي ونىڭ ەكى جوباسى تانىستىرىلدى. مۇندا قالالىق ارداگەرلەر كەڭەسىنىڭ توراعاسى قۋانىش الپىسبەكوۆ اكتسيانىڭ نەگىزگى ماقساتى ۇلى وتان سوعىسىن بەينەلى تۇردە ەسكە الۋ ەكەنىن, سوندىقتان ونىڭ ەكى جوباسىنىڭ ءبىرى ارداگەرلەردىڭ فوتوسەسسياسىن جۇرگىزۋگە, ال ەكىن­شىسى دەرەكتى فيلم كورسەتۋگە ارنا­لاتىنىن ايتتى. ونىڭ ايتۋىنشا, ءبىرىنشى جوبادا قالا بويىنشا اتى-ءجونى, شايقاسقان جەرى مەن كەيىنگى بۋىنعا ايتقان سوزدەرى جازىلعان 65 استانالىق ارداگەردىڭ پورترەتتەرى ىلىنەتىن بولادى. ەكىنشى جوبادا – “65 جىل – 65 اسكەري تاعدىر” اتتى دەرەكتى فيلم كورسەتىلەدى. جەڭىس كۇنىنە ارنالعان بۇل فيلمگە كەڭەس وداعىنىڭ ەكى مارتە باتىرى تالعات بيگەلدينوۆ پەن كەڭەس وداعىنىڭ باتىرى, حالىق قاھار­مانى ساعادات نۇرماعامبەتوۆ سياق­تى ارداگەرلەر­دىڭ ءومىرى, سوعىسقان جەرلەرى مەن ەرلىك­تەرىن كورسەتۋ جوس­پارلانۋدا. وسى جوبانى جاسا­عان­­داردىڭ ءبىرى گاۋھار جان­سەيىتوۆا­نىڭ ايتۋىنشا, فيلم قازاقستاننىڭ بارلىق اسكەري ءبولىم­دەرىندە, قالا مەكتەپ­تەرىندەگى اشىق ساباقتاردا تەلە­ارنا­لاردا كورسەتىلەدى. سونىمەن بىرگە ونى استانا قالاسىنىڭ رەسمي سايتىنان دا (www.astana.kz) كورۋگە بولادى. – فيلمدە 30 ساعاتتىق ما­تەريال ءتۇسىرىلدى, – دەدى ول. – مۇن­دا وتانعا قىزمەت ەتۋدە ۇلكەن ەرلىك پەن ۇلگى كورسەتكەن, سوعىستا قان كەشىپ, وت پەن وققا كەۋدەسىن توسقان قاھارمانداردىڭ ەرلىكتەرى كور­سەتىلەدى. سونداي-اق, وندا ارداگەر­لەردىڭ زۇلمات سوعىس پەن جاۋىنگەر جولداستارى تۋرالى ەستەلىكتەرى ايتىلادى. قازىر ارداگەرلەردىڭ سوعىس پەن جەڭىس تۋرالى ايتقان كەلەلى سوزدەرى بەينەروليك توپتا­ماسىمەن ەلىمىزدىڭ جەتەكشى ارنا­لارىندا كورسەتۋ جوسپارلانىپ وتىر. بۇل جوباعا ماسكەۋ مەن مينسك باسشىلىعى دا قىزىعۋشى­لىق تانىتۋدا. سونىمەن بىرگە قالا اكىمدىگىندە وتكەن كەڭەستە ۇلى جەڭىستىڭ 65 جىلدىعىنا ارنالعان مەرەكەلىك ءىس-شارالار تانىستىرىلدى. وندا نەگىزگى اكتسيالاردىڭ 7-9 مامىر كۇندەرى وتەتىنى, ونىڭ الدىندا استاناداعى سالتاناتقا قازاق­ستان­نىڭ وزگە وڭىرلەرىنەن ارداگەر­لەر كەلەتىنى حابارلاندى. سودان كەيىن كەلەسى كۇنى قالالىق زيراتتا ساعات 09.00-دە سوعىستا جارالانىپ, قاي­تىس بولعان جاۋىنگەرلەردىڭ باسىنا “داڭق گۇل شوعىن” قويۋ ءراسىمى, ودان كەيىن ساعات 11.00-دە باۋىرجان مومىش ۇلى ەسكەرت­كىشى­نە گۇل شوقتارىن قويۋ ءراسىمى, ساعات 15.00-دە تاۋەلسىزدىك سارايىندا سالتانات­تى جيىن مەن مەرەكەلىك كونتسەرتتىڭ بولاتىنى ايتىلىپ, وسى شارادان سوڭ ساعات 17.00-دە ەلباسى مەن قورعانىس ءمينيسترى اتىنان سالتانات سارايىندا اردا­گەر­لەردى قابىلداۋ ءراسىمى وتەتىنى تۋرالى مالىمەت بەرىلدى. كەلەسى 8 مامىر كۇنى ساعات 11.00-دە “وتان قورعاۋ­شىلار” مونۋمەنتىنىڭ الدىندا “داڭق گۇل شوقتارىن قويۋ” ءراسىمى, تەاترلاندىرىلعان قويىلىم مەن قورعانىس مينيسترلىگىنىڭ ورتالىق ءان-بي ءانسامبلىنىڭ كونتسەرتى, ساعات 12.30-دا قالا الاڭدارىندا ۇرمەلى وركەستر كونتسەرتتەرى وتەتىنى حابارلاندى. ال 9 مامىر كۇنى ساعات 10.00-دە تاۋەلسىزدىك داڭعىلىنداعى “قازاق ەلى” مونۋمەنتى الاڭىنان باستاپ “وتان قورعاۋشىلار” مونۋمەنتىنە دەيىن ۇلى وتان سوعىسىندا  جەڭىس­تىڭ 65 جىلدىعىنا ارنالعان ازامات­تىق شەرۋ باستالىپ, ودان كەيىن كەشكە دەيىن جاستار سارايى جازعى ساحنا­سى, قارجى مينيسترلىگى الدىن­داعى گۇلزار, ەلوردا ساياباعى, باۋىر­جان مومىش ۇلى ساياباعىن­داعى امفي­تەاتر, “اراي” ساياباعى مەن قالا­لىق الاڭدا ۇرمەلى وركەستر­دىڭ كونتسەرتى وتەتىنى حابارلاندى. وسى كۇنى ساعات 17.00-دە كونگرەسس-حوللدا جەڭىس كۇنىنە ارنالعان كسرو حالىق ءارتىسى الىبەك دىنىشەۆتىڭ جەكە كونتسەرتى بولىپ, ودان ءارى مەرەكەلىك شارا ساعات 22.00-دە وت-شاشۋمەن اياقتالاتىنى بەلگىلى بولدى. قازىر قالا اكىمدىگىنىڭ مالىمەت­تەرىنە قاراعاندا, استانادا 484 سوعىس ارداگەرى تۇرادى. جەڭىس كۇنى­نە وراي ولاردىڭ ارقايسىسى رەس­پۋب­ليكالىق بيۋدجەتتەن ماتەريال­دىق كومەك رەتىندە 65 000 تەڭگە, ال جەرگىلىكتى بيۋدجەتتەن 35 000 تەڭگە الاتىن بولادى. سونداي-اق, قالادا تۇرىپ جاتقان 53 فاشيزم تۇتقىن­دارى مەن سوعىستا قازا تاپقان جاۋىنگەرلەردىڭ 25 جەسىرىنە 10 000 تەڭگەدەن, ۇلى وتان سوعىسىنا قا­تىسۋ­شىلارعا جانە سوعىس مۇگەدەك­تەرىنە تەڭەستىرىلگەن 1 700 ازامات پەن 3 906 تىل ەڭبەك­كەرى­نە 4 000 تەڭگە كولەمىندە ما­تەريال­دىق كو­مەك بەرىلەدى. وسى كۇندەرى 8 ءساۋىر­دەن باستاپ استانالىق 48 ارداگەر “وقجەتپەس” ءساناتوريىن­دە جولدا­ما­مەن دەمالۋدا. داستان كەنجالين.