ءدال وسى كۇندەرى Jýsan Bank جانە «موبايل تەلەكوم-سەرۆيس» Jýsan سەرۆيستەرى مەن قىزمەتتەرىن پايدالانۋدى بۇرىنعىدان دا تيىمدىرەك ەتەتىن Jýsan Mobile ءموبيلدى بايلانىسىن قوسىپ وتىر, دەپ حابارلايدى Egemen.kz.
«Tele2/ALTEL جەلىسىندەگى ءبىرىنشى ۆيرتۋالدى وپەراتوردى ىسكە قوسۋ قر ءموبيلدى نارىعىن دامىتۋداعى ماڭىزدى قادام بولماق, – دەپ حابارلادى «موبايل تەلەكوم-سەرۆيس» جشس باس ديرەكتورى رومان ۆولودين. – MVNO كونتسەپتسياسى – بۇل, ەڭ الدىمەن, قانداي دا ءبىر اۋديتوريانىڭ مۇقتاجدىلىقتارى مەن رۋحىنا جاۋاپ بەرەتىن بايلانىس پەن سەرىكتەس قىزمەتتەرىنىڭ ەكوجۇيەسىن قۇرۋ. Jýsan Mobile قوسا وتىرىپ, ءبىز ءوزىمىز ءۇشىن جاڭا سانالاتىن سەگمەنتكە اياق باستىق جانە MVNO نارىعىندا شەشىمدەردى كاستوميزاتسيالاۋ دەڭگەيى جوعارى جەتەكشى ويىنشى بولۋدى جوسپارلاپ وتىرمىز. سونىمەن قاتار, Tele2/ALTEL وپەراتورى كەڭ قامتىلۋدى جانە قىزمەتتەردىڭ جوعارى ساپاسىن, ەڭ الدىمەن, بۇكىل قازاقستان بويىنشا 4G سەگمەنتىندە قامتاماسىز ەتەتىنىن اتاپ وتكەن ءجون, بۇل جاڭا MVNO-سەرىكتەستىڭ سەرۆيستەر جۇمىسىنىڭ سەنىمدىلىگىنە كەپىلدىك بەرۋگە مۇمكىندىك بەرەدى».
Jýsan Mobile ۆيرتۋالدى ءموبيلدى بايلانىسى (MVNO) Tele2/ALTEL جەلىسىنىڭ نەگىزىندە ىسكە قوسىلىپ جاتىر جانە بۇكىل قازاقستان بويىنشا وپەراتوردىڭ قامتۋ اۋماعىنداعى ابونەنتتەرگە قولجەتىمدى بولادى. جوبانىڭ تەحنيكالىق ينتەگراتورى – «KazTransCom» اق.
«Jýsan Mobile ۆيرتۋالدى وپەراتورىن ىسكە قوسۋ ءبىزدىڭ Jýsan ەكوجۇيەمىزدى دامىتۋدا العا جاساعان ۇلكەن قادامىمىز بولدى جانە ول ءبىزدىڭ كليەنتتەرىمىز ءۇشىن جاڭا تيىمدىلىكتەر ۇسىنادى, – دەيدى Jýsan Bank باسقارما توراعاسى ايبەك قايىپ. – بانكتىڭ بەلسەندى كليەنتتەرى تەگىن ءموبيلدى بايلانىس قىزمەتتەرىن جانە ەكوجۇيە ىشىندە – ءموبيلدى قوسىمشادا, ينتەرنەت-بانكينگتە جانە Jmart ماركەتپلەيسىندە قولدانۋعا بولاتىن قوسىمشا بونۋستار الا الادى».
Jýsan Mobile ەرەكشەلىگى Jýsan Bank سەرۆيستەرىمەن تىعىز ينتەرگراتسيادا – Jýsan بىرىڭعاي قوسىمشاسىندا كليەنتتەر قارجى قىزمەتتەرىن, ءموبيلدى بايلانىستى باسقارۋ, ساقتاندىرۋدى رەسىمدەۋ, بيرجادا اكتسيالار ساتىپ الۋ, Jmart ماركەتپلەيسىندە تاۋارلار مەن قىزمەتتەر ساتىپ الۋ مۇمكىندىگىنە يە بولادى.
«ەكوجۇيەلەر قۇرۋ جانە ولاردى دامىتۋ كليەنتتەردىڭ بەيىلدىلىگىن قولداۋ جانە كليەنتتىك تاجىريبەنى ءارى قاراي جاقسارتۋ ماقساتىمەن بيزنەستى دامىتۋداعى ستراتەگيالىق ماڭىزدى شەشىم بولدى. بىزدەر ءۇشىن بۇل MVNO ىسكە قوسۋ جوباسىنا قاتىسۋدىڭ العاشقى جانە تابىستى تاجىريبەسى. پاندەميا مەن قاشىقتىقتان جۇمىس جاساۋ كەستەسىنە قاراماستان, ءۇش ۇيىمنىڭ جوبالىق كومانداسى از مەرزىم ىشىندە ۇلكەن جۇمىس اتقاردى جانە ءوز مىندەتىن ءساتتى تۇردە ورىنداپ شىقتى», – دەپ اتاپ ءوتتى «KazTransCom» اق باسقارما توراعاسى سەرگەي نازارەنكو.