23-27 قاراشا ارالىعىندا قازاقستاندا «قوعام جانە مەملەكەت: «Birgemiz» - 30 جىلدىق سەرىكتەستىك پەن دامۋ» اتتى IX ازاماتتىق فورۋم وتەدى, دەپ حابارلايدى Egemen.kz.
بۇل جىلى ءىس-شارا ونلاين رەجيمىندە ۇيىمداستىرىلدى. سوعان سايكەس فورۋم باعدارلاماسىندا ءداستۇرلى ءسوز سويلەۋ, ترەنينگ, پىكىرتالاس جانە ۆيدەوپودكاستتان بولەك, مينيسترلەردىڭ ۇكىمەتتىك ەمەس سەكتورمەن كەزدەسۋى بولادى. تىكەلەي كورسەتىلىم كۇندەلىكتى كورسەتىلەدى. كورەرمەندەردىڭ كوومەنتاريدە سۇراقتارىن قويىپ, جىلدام جاۋاپ الۋ مۇمكىندىكتەرى بار.
فورۋمنىڭ باستى ماقساتى – ازاماتتىق قوعام ينستيتۋتى مەن مەملەكەتتىك ورگان جانە بيزنەس قۇرىلىمدارمەن ءوزارا قارىم-قاتىناسىن ءتيىمدى ەتۋ مەزانيزمىن قالىپتاستىرۋ. دەلەگاتتار ازاماتتىق قوعامدى دامىتۋدىڭ جاڭا كونتسەپتسياسىنىڭ باعىتىن, ازاماتتاردىڭ شەشىم قابىلداۋعا قاتىسۋىن, قوعامدىق باقىلاۋدىڭ مۇمكىندىكتەرى مەن مەحانيزمى, ۇەۇ-دىڭ باسەكەگە قابىلەتتىلىگىن جانە ت.ب تاقىرىپتاردى تالقىلايتىن بولادى. سونىمەن قاتار, ازاماتتىق قوعام اپتالىعى اياسىندا بۇرىن وتكەن كەزدەسۋلەردىڭ ۇسىنىستارىن ىسكە اسىرۋ جونىندەگى بايانداما جاريالانادى.
IX ازاماتتىق فورۋمنىڭ قاتىسۋشىلارىنىڭ قاتارىندا قوعام قايراتكەرلەرى, حالىقارالىق ۇيىمداردىڭ, مەملەكەتتىك ورگانداردىڭ وكىلدەرى, ساراپشىلار قاۋىمداستىعى –ەل بويىنشا جالپى سانى 500 استام ادام قاتىسادى. فورۋم باعدارلاماسى جانە دەلەگاتتاردى تىركەۋ مىنا سايتتا جۇزەگە اسىرىلادى – www.azamattyqforum.kz.
ءىس-شارانى قر اقپارات جانە قوعامدىق دامۋ مينيسترلىگىنىڭ قولداۋىمەن قازاقستاننىڭ ازاماتتىق اليانسى ۇيىمداستىرىپ جاتقانىن ەسكە سالامىز.
انىقتاما: العاشقى ازاماتتىق فورۋم 2003 جىلعى 14 قازاندا ءوتتى. سول ۋاقىتتان بەرى ەلىمىزدىڭ ءۇشىنشى سەكتورىن دامىتۋعا ۇلكەن كوڭىل بولىنۋدە. قازىرگى تاڭدا قازاقستاندا 22-دەن اسا ۇكىمەتتىك ەمەس ۇيىمدار تىركەلگەن. 2019 جىلدان بەرى مەملەكەتتىك الەۋمەتتىك تاپسىرىس بيۋدجەتىنىڭ كولەمى شامامەن 50% دەيىن كوبەيىپ 25 ملرد تەڭگەنى قۇرادى. بۇل قاراجاتتىڭ جارتىسى حالىقتىڭ الەۋمەتتىك وسال توپتارىن قولداۋعا باعىتتالعان.