ەڭبەك مينيسترلىگى ەل ازاماتتارىنان الەۋمەتتىك قامسىزداندىرۋ كودەكسىنە ۇسىنىستار جينايدى

قازاقستاندىقتار ءوز ۇسىنىستارىن بايلانىستىڭ 4 ارناسى, ياعني ەلەكتروندىق پوشتا, Facebook توبى, Telegram-كانال جانە WhatsApp مەسسەندجەرى ارقىلى جىبەرە الادى.

بۇدان بۇرىن حابارلانعانداي, مەملەكەت باسشىسى 2020 جىلعى 1 قىركۇيەكتەگى قازاقستان حالقىنا جولداۋىندا الەۋمەتتىك قامسىزداندىرۋ كودەكسىن ازىرلەۋ جانە قابىلداۋ ارقىلى الەۋمەتتىك زاڭنامانى شوعىرلاندىرۋ جۇمىسىن باستاۋدى تاپسىردى.

قازىرگى كەزدە رەسپۋبليكا ازاماتتارىنا الەۋمەتتىك قامسىزداندىرۋ شارالارىنىڭ كەڭ سپەكترى قامتاماسىز ەتىلگەن, ولار 17 زاڭمەن جانە 100-دەن استام زاڭعا تاۋەلدى اكتىمەن رەتتەلەدى. سونىمەن بىرگە, الەۋمەتتىك سالاداعى تولەمدەر مولشەرىن ەسەپتەۋ ءۇشىن ءارتۇرلى كورسەتكىشتەر: ايلىق ەسەپتىك كورسەتكىش, كۇنكورىس دەڭگەيى, ەڭ تومەنگى جالاقى جانە باسقالارى نەگىزگە الىنادى.

الەۋمەتتىك قامسىزداندىرۋ سالاسىنداعى زاڭنامانى قابىلداۋدى جەڭىل ەتۋ جانە ونى ساپالىق تۇرعىدان جاقسارتۋ ماقساتىندا ول بىرىڭعاي كودەكسكە بىرىكتىرىلەدى. ونىڭ تۇجىرىمداماسى 2021 جىلدىڭ 2-توقسانىندا ازىرلەنەدى, ودان كەيىن سونىڭ نەگىزىندە الەۋمەتتىك قامسىزداندىرۋ كودەكسىنىڭ ءوزىن ازىرلەۋ باستالادى.

ەل ازاماتتارى ءوز ۇسىنىستارىن كەلەسى ارنالار ارقىلى جىبەرە الادى:

- Facebook توبى: https://www.facebook.com/groups/expert2020

- WhatsApp: +7 708 180 35 38 https://wa.me/message/RIAPN2DTW25UP1

- telegram كانالى: https://t.me/expertsocial

- ەلەكتروندىق پوشتاسى: expert2020@mail.kz.