18 قاراشادا ناتو پا-نىڭ جىلسايىنعى 66-شى سەسسياسى ءوز جۇمىسىن باستادى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
وعان قازاقستان رەسپۋبليكاسى پارلامەنتى سەناتىنىڭ اتىنان دەپۋتات نۇرجان نۇرسيپاتوۆ بايقاۋشى رەتىندە قاتىسادى.
وداققا مۇشە 30 مەملەكەت پەن سەرىكتەس ەلدەردەن 200-دەن استام پارلامەنت مۇشەلەرى التى كۇن بويى كوروناۆيرۋس پاندەمياسىنىڭ قاتەرى, ناتو-نىڭ بولاشاعى, قىتايدىڭ الەم كۇشتەرىنىڭ تەپە-تەڭدىگىنە اسەرى, قارا تەڭىز, بالقان جانە پارسى شىعاناعى ايماقتارىنداعى قاۋىپسىزدىك جاعدايى, سونداي-اق قورعانىس يننوۆاتسيالارى جانە ەنەرگەتيكالىق قاۋىپسىزدىگىنە بايلانىستى ماسەلەلەردى تالقىلايدى.
شاراعا زاڭ شىعارۋشىلاردان باسقا ناتو-نىڭ باس حاتشىسى ي.ستولتەنبەرگ, ۇيىمنىڭ جوعارى لاۋازىمدى تۇلعالارى جانە قورعانىس جانە قاۋىپسىزدىك سالاسىنداعى ساراپشىلار قاتىسادى.