قىتايدىڭ ۋحان قالاسىندا يمپورتتالعان مۇزداتىلعان سيىر ەتىنەن كوروناۆيرۋس انىقتالدى. بۇل تۋرالى جەرگىلىكتى دەنساۋلىق ساقتاۋ ورگاندارىنىڭ وكىلدەرى ايتتى, - دەپ حابارلايدى سينحۋا اگەنتتىگى.
ەت ۋحانعا برازيليادان تيانتسزين كەدەنى ارقىلى اكەلىنىپ, توڭازىتقىشقا سالىنعان. جالپى سالماعى 27 توننا بولاتىن مۇزداتىلعان سيىر ەتىنىڭ 1313 بلوگىنان كوروناۆيرۋس تابىلعان.
قازىرگى ۋاقىتتا اتالعان جاعداي بويىنشا تەرگەۋ جۇمىستارى ءجۇرىپ جاتىر. ال جەرگىلىكتى بيلىك وكىلدەرى قاجەت تاۋارلاردى مورلەپ, قويمالاردى دەزينفەكتسيالاپ جاتىر.