شىمكەنتتە تۇرعىن ءۇي-كوممۋنالدىق شارۋاشىلىق سالاسىن تسيفرلاندىرۋداعى جوبالاردىڭ ءبىرى – "Iqala" جوباسى. تسيفرلاندىرۋ باسقارماسىنىڭ باسشىسى ءا. ءابدىراحانوۆ الداعى دامۋ جوسپارلارىنا سايكەس, قالا اكىمىنە اتالعان جوبانى ۇسىندى, - دەپ حابارلايدى Egemen.kz
بۇگىندە مونوپوليستەر ۇسىناتىن قىزمەتتەر قاعاز تۇرىندە كورسەتىلەدى. بۇل ءوز كەزەگىندە بيۋروكراتياعا, ۋاقىت جوعالتۋعا اكەپ سوقتىرادى. Iqala قالالىق قىزمەت كورسەتۋ ورتالىعى – نۇر-سۇلتان قالاسىنىڭ ۇلگىسى بويىنشا دايىندالۋدا.
– Iqala قالا تۇرعىندارىنا قىزمەتتەردى ونلاين الۋعا كومەكتەسەدى دەپ جوسپارلاپ وتىرمىز. جوبا تۇرعىن ءۇي-كوممۋنالدىق شارۋاشىلىق سالاسىنىڭ قىزمەتتەرىن ء«بىر تەرەزە» قاعيداتى بويىنشا بىرىكتىرەدى. جەكە جانە زاڭدى تۇلعالار ۇيدەن شىقپاي-اق قىزمەتكە ءوتىنىم بەرە الادى. بۇل ءبىر رەتتىك وتىنىشپەن بىرنەشە قىزمەت الۋعا مۇمكىندىك بەرەدى. جوبا كوممۋنالدىق قىزمەتتەردىڭ اشىقتىعىن كورسەتەدى, – دەيدى باسقارما باسشىسى.
اتاپ ايتقاندا, جوبا بويىنشا كوممۋنالدىق قىزمەتتەردى الۋ پروتسەدۋرالارىن جەڭىلدەتۋ, بارلىق قىزمەتتەردى ونلاين رەجيمىندە ۇسىنۋ, قۇجاتتاردى مۇمكىندىگىنشە قىسقا مەرزىمدە تاپسىرۋ, ءوتىنىمنىڭ مارتەبەسىن باقىلاۋ, قۇجاتتاردى ساقتاۋ سىندى وڭ ناتيجەلەر كوزدەلۋدە. اسەت مارات ۇلى 1 كەزەڭدە مەكەمەلەر (وڭتۇستىك جارىق ترانزيت, «قازترانسگازايماق», سۋ رەسۋرستارى ماركەتينگى, قۋات جىلۋ ورتالىعى) ۇسىناتىن 70 قىزمەتتى تسيفرلاندىرۋدى جوسپارلاۋدا.