ءۇش وڭىردە يۋنيورلىق كومپانيامەن بىرگە گەولوگيالىق بارلاۋ باستالدى

گەولوگيالىق بارلاۋ جوباسىن ىسكە اسىرۋدىڭ بولجامدى مەرزىمى – 6 جىل, ءبىرىنشى كەزەڭدە بارلىق گەولوگيالىق بارلاۋدى قارجىلاندىرۋدى "Discovery Ventures Kazakhstan" جشس قامتاماسىز ەتەتىن بولادى. كەلىسىمشارتتىق ۋچاسكەلەردىڭ جالپى اۋدانى شامامەن 1500 كم2 قۇرايدى. وپەراتورلىق كەلىسىمدە التىن, مىس, مىرىش جانە ىلەسپە مەتالداردى بارلاۋ قاراستىرىلعان.

"قازىر وتاندىق مينەرالدىق-شيكىزات بازاسىنىڭ ۇدايى ءوندىرىس قارقىنىنىڭ ايتارلىقتاي تومەندەۋى وتە ماڭىزدى ماسەلە بولىپ وتىر. قازاقستاندا ورتا مەرزىمدى كەلەشەكتە جاڭا كەن ورىندارىنىڭ بولماۋى تاۋ-كەن سالاسىنىڭ قۇلدىراۋىنا اكەلۋى مۇمكىن. تاۋەكەلدىڭ جوعارى دارەجەسىنە قاراماستان, ءبىز گەولوگيالىق بارلاۋ جوبالارىنا كىرۋ تۋرالى شەشىم قابىلدادىق. بۇل الەمدىك ءۇردىس, كوپتەگەن ءىرى كومپانيالار قازىر وسى جولمەن جۇرۋدە", دەپ اتاپ ءوتتى "Taỳ-Ken Samuryq" Ulttyq taỳ-ken kompanıasy" اق باسقارما توراعاسى قانات قۇدايبەرگەن.

كومپانيالاردىڭ دەرەكتەرى بويىنشا, ءبىرىنشى جىل ىشىندە ولار تاريحي دەرەكتەردى جيناۋ جانە تۇسىندىرۋمەن, گەوفيزيكالىق زەرتتەۋلەرمەن جانە گەولوگيالىق كارتالاۋمەن اينالىساتىن بولادى. ليتسەنزيالىق اۋماق بويىنشا اۋقىمدى اەروماگنيتتىك ءتۇسىرىلىم جۇرگىزۋ جوسپارلانۋدا. سودان كەيىن گەوفيزيكالىق زەرتتەۋلەردىڭ دەرەكتەرى كەيىنگى جىلدارعا قاجەتتى گەولوگيالىق بارلاۋ جۇمىستارىنىڭ كولەمىن انىقتاۋ ءۇشىن جان-جاقتى تالدانادى.

ەستەرىڭىزگە سالا كەتەيىك, "Taỳ-Ken Samuryq" اق يۋنيورلاردى قولداۋ باعدارلاماسىن جۇزەگە اسىرۋدا. گەولوگيالىق بارلاۋعا باعدارلانعان يۋنيورلىق كومپانيالارعا  "Taỳ-Ken Samuryq" ء بىر تەرەزە قاعيداتى بويىنشا جان-جاقتى جاردەم ۇسىنادى. ماسەلە تاۋ-كەن سەكتورىن دامىتۋدى ىنتالاندىرۋ جانە مينەرالدىق-شيكىزات بازاسىن مولايتۋ جونىندەگى مىندەتتەر شەڭبەرىندە قارجىلىق, ساراپتامالىق, ماركەتينگتىك جانە مەملەكەتتىك قولداۋ تۋرالى بولىپ وتىر.