اقتوبەلىك ءتارتىپ ساقشىلارى وبلىستىق پوليتسيا دەپارتامەنتىنىڭ الدىنداعى قىزمەتتىك مىندەتتەرىن اتقارۋ كەزىندە قۇربان بولعان پوليتسەيلەرگە ارنالعان ەسكەرتكىش مونۋمەنتى جانىندا تارازدىق ارىپتەستەرى عازيز بايتاسوۆتى ەسكە الدى.
ەڭ اۋەلى ءبىر مينۋت ۇنسىزدىك جاريالانىپ, ارىپتەستەرى ەرلىكپەن قازا تاپقان باتىر تۋرالى ايتتى. جول پوليتسياسى باسقارماسى باتالونىنىڭ كومانديرى, كاپيتان عازيز بايتاسوۆ مارقۇم ەلىمىز بويىنشا ءوز ارىپتەستەرىنىڭ اراسىندا تۇڭعىش رەت «حالىق قاھارمانى» اتاعىنا يە بولعان العاشقى پوليتسەي. ول 2011 جىلدىڭ 12 قاراشاسىندا تاراز قالاسىندا قىلمىس جاساعان دەسترۋكتيۆتى ءدىني اعىمنىڭ وكىلدەرىن ۇستاۋ وپەراتسياسى كەزىندە جانقيارلىق ەرلىك كورسەتتى. كاپيتان وپەراتسيا كەزىندە قورشاۋدا قالعان قىلمىسكەردىڭ ونىڭ ءوزىن ءوزى جارىپ جىبەرۋگە ارەكەتتەنىپ جاتقانىن كورىپ, قىلمىسكەردى دەنەسىمەن جاۋىپ, جارىلىستىڭ الدىن الدى. قاس-قاعىم ساتتە ءوز ءومىرىن قيۋ ارقىلى شەشىم شىعارىپ, ونداعان ادامنىڭ ءومىرىن ساقتاپ قالدى. وسىدان توعىز جىل بۇرىنعى تاراز وقيعاسىندا كوپتەگەن ادام قازا تاۋىپ, جاراقاتتانعان بولاتىن.
اقتوبە