شۆەيتساريادا يراننىڭ يادرولىق باعدارلاماسىنا بايلانىستى «التىلىق» كەزدەسۋى اياقتالدى. ءسويتىپ, تەھران وزىنە باتىس ساراپشىلارىن جىبەرەتىن جانە جاڭا اتوم قۋاتىن دامىتپايتىن بولدى. سونداي-اق, يراندا جارتى جىل بويى ۋران 5 پايىزدان استامعا بايىتىلمايدى.
شاراينا
يراننىڭ جەڭىسى رەتىندە باعالانۋدا
شۆەيتساريادا يراننىڭ يادرولىق باعدارلاماسىنا بايلانىستى «التىلىق» كەزدەسۋى اياقتالدى. ءسويتىپ, تەھران وزىنە باتىس ساراپشىلارىن جىبەرەتىن جانە جاڭا اتوم قۋاتىن دامىتپايتىن بولدى. سونداي-اق, يراندا جارتى جىل بويى ۋران 5 پايىزدان استامعا بايىتىلمايدى.
ەسەسىنە باتىس يرانعا قاتىستى قولدانىلىپ كەلە جاتقان سانكتسيالاردى ايتارلىقتاي جەڭىلدەتەدى. اتاپ ايتقاندا, تەھرانعا شەكتەۋلەر قويىلعانىمەن, كومىرسۋتەگىن ەۋروپا وداعى ەلدەرى مەن اقش-قا ساتۋعا مۇمكىندىك بەرىلىپ وتىر. سونىمەن قاتار, مۇناي حيمياسى مەن اۆتوموبيل ونەركاسىبىنە قاتىستى سانكتسيالار السىرەيتىن بولادى. بۇعان قوسا, جاڭا شەكتەۋلەر قاراستىرىلمايدى. قابىلدانعان شەشىمگە قازىردىڭ وزىندە «تاريحي» دەگەن ايدار تاعىلۋدا. يراندىقتار بۇل كەلىسىمدى ءوز ەلىنىڭ جەڭىسى رەتىندە باعالاپ وتىر.
ۋكراينا وپپوزيتسياسىنىڭ نارازىلىعى
كەشە ەرتەڭگىسىن كيەۆتىڭ ەۋروپا الاڭىنداعى مينيسترلەر كابينەتى عيماراتىنىڭ جانىندا ميليتسيا مەن ەۋروينتەگراتسيانى جاقتاۋشىلار اراسىنداعى قاقتىعىس قايتا جالعاستى. قۇقىق قورعاۋ ورگاندارىنىڭ قىزمەتكەرلەرى ميتينگكە جينالعاندارعا قارسى رەزەڭكە تاياقشالار مەن كوزدەن جاس اعىزاتىن گاز قولداندى.
«ينتەرفاكس» اگەنتتىگىنىڭ ايتۋىنشا, ەۋروپامەن ينتەگراتسيانى جاقتاۋشىلار ۋكراينا مينيسترلەر كابينەتىنىڭ عيماراتىنا ونى قورشاۋعا الۋ ءۇشىن جينالعان. توپتا كەم دەگەندە 500 ادام بولعان. ال عيماراتقا كىرەبەرىستى «بۇركىت» ارنايى بولىمشەسىنىڭ 100-150 جاساعى قورعاپ تۇرعان. «ەۋرومايدانعا» قاتىسۋشىلاردىڭ ۇكىمەت ءۇيىن شابۋىلداۋعا ارەكەت ەتۋىنە بايلانىستى ۋكراينا ىشكى ىستەر مينيسترلىگى قىلمىستىق ءىس ءوندىرىسىن باستاعان. ميتينگكە رەسمي مالىمەت بويىنشا 23 مىڭ ادام قاتىسسا, ەۋروينتەگراتسيانى جاقتاۋشىلار 100 مىڭ ادام جينالدى دەپ وتىر.
قارسى, بىراق كەلىسۋگە ءماجبۇر
اقش, جاپونيا جانە وڭتۇستىك كورەيا قىتايدىڭ تالاس تۋعىزىپ كەلە جاتقان اۋماقتا اۋە شابۋىلىنان قورعانىستى بىرىزدەندىرۋ ايماعىن قۇرعانىنا نارازىلىقتارىن ءبىلدىردى. ەندى اۋە كومپانيالارى وسى اۋماق ۇستىنەن ۇشىپ وتكەن كەزدە جەرگىلىكتى بيلىكتى قۇلاعدار ەتۋى ءتيىس.
اقش قورعانىس ءمينيسترى چاك حەيگەل بۇل جايت احۋالدى تۇراقسىزداندىرا تۇسەدى دەپ مالىمدەدى. ونىڭ سوزىنە قاراعاندا, قۇراما شتاتتار وڭىردەگى اسكەري وپەراتسيالاردان باس تارتپاق ەمەس. جاپونيا پرەمەر-ءمينيسترى سيدزو ابە دە جاڭا ايماقتىڭ پايدا بولۋى بولجاۋعا بولمايتىن سالدارلارعا سوقتىرۋى ىقتيمال ەكەنىن كولدەنەڭ تارتتى. بىراق اتالعان مەملەكەتتەر قالىپتاسقان اۋە جولدارى وڭتايلى بولعاندىقتان, وزدەرىنىڭ ۇشۋ مارشرۋتتارىن وزگەرتپەيتىنىن, سوندىقتان قىتاي باسشىلىعىن قۇلاقتاندىرىپ وتىراتىندىقتارىن جاريا ەتتى.
قىسقا قايىرىپ ايتقاندا:
● ۆەتنامدا قاتتى جاۋعان نوسەر تۋىنداتقان سۋ تاسقىنىنان قازا تاپقاندار سانى 41 ادامعا جەتتى. 80 مىڭ ۆەتنامدىق ءوز ۇيلەرىن تاستاپ شىعۋعا ءماجبۇر بولسا, 74 ادام ءتۇرلى جاراقات العان. 5 ادام جوعالعاندار قاتارىندا. 4,3 مىڭ گەكتار ەگىستىك القابى سۋ استىندا قالعان.
● اۋعانستاننىڭ پاكتيكا پروۆينتسياسىندا جول جيەگىنە جاسىرىلعان بومبا جارىلىپ, سونىڭ سالدارىنان ءبىر وتباسىنىڭ 7 بالاسى وپات بولدى. بالالار ءۇي ماڭىندا ويناپ ءجۇرىپ, بومباعا كەزدەيسوق ءتيىپ كەتكەن. سول ءۇيدىڭ تاعى 3 بالاسى ءتۇرلى دەنە جاراقاتىن العان.
● قۇقىق قورعاۋشىلار زيمبابۆە استاناسى – حارارە قالاسىنىڭ مىڭداعان تۇرعىنى تىرىسقاق اۋرۋىنا شالدىعۋى ىقتيمال ەكەنىن ەسكەرتتى. حارارەنى اۋىز سۋمەن قامتاماسىز ەتۋ – بۇگىندە ۇلكەن پروبلەما. سوندىقتان, وسىدان 5 جىل بۇرىن اتالعان اۋرۋ 4 مىڭنان استام ادامنىڭ ءومىرىن قيعان ەدى.
● ماسكەۋدە 4-24 قاراشا ارالىعىندا وتكەن «پراۆوسلاۆيەلى رۋس. رومانوۆتار» كورمەسىن 300 مىڭنان استام ادام تاماشالاعان. كورمەگە كۇن سايىن ورتاشا ەسەپپەن 13-17 مىڭ ارالىعىندا ادام كەلگەن. ەكسپوزيتسيالاردىڭ نەگىزگى بولىگى رەسەيدىڭ ءحVىى عاسىردان باستاپ بۇگىنگى كۇنگە دەيىنگى تاريحىنان سىر شەرتەدى.
قازا تاۋىپ جاتقان بالالار كوپ
ەكى جارىم جىلدان بەرى ازامات سوعىسى ءجۇرىپ جاتقان سيريادا جۋىر ماڭدا تىنىشتىق ورنايتىنى بايقالمايدى. سوڭعى مالىمەتتەرگە قاراعاندا, ب ۇلىكشىلەردىڭ جوعارى شەندى جەتەكشىلەرىنىڭ ءبىرى, «ليۆا ءال-تاۋحيد» ۇيىمىنىڭ باسشىسى ابدۋل قادىر اس-سالەحتىڭ كوزى جويىلعان.
اس-سالەح الەپپو پروۆينتسياسىنداعى ب ۇلىكشىلەر قولىنداعى اەرودرومعا جاسالعان اۋە شابۋىلى بارىسىندا العان جاراقاتىنان كوز جۇمعان سەكىلدى. «ليۆا ءال-تاۋحيد» الەپپوداعى باستى ب ۇلىكشىلەر توبى بولىپ تابىلادى. كەيبىر مالىمەتتەرگە قاراعاندا, ونىڭ ساپىندا 8 مىڭ مەن 10 مىڭنىڭ ارالىعىندا ب ۇلىكشىلەر بار كورىنەدى. سوعىس باستالعان ۋاقىتتان بەرى ەلدە 113 مىڭ ادام قازا تاپسا, سولاردىڭ 11 مىڭى 17-گە تولماعان بۇلدىرشىندەر مەن جاسوسپىرىمدەر ەكەن.
بەرلۋسكونيدى كەشىرۋگە نەگىز جوق
يتاليا پرەزيدەنتى دجوردجو ناپوليتانونىڭ ايتۋىنشا, ەلدىڭ بۇرىنعى پرەمەر-ءمينيسترى سيلۆيو بەرلۋسكونيدىڭ ىسىنە ارالاسۋعا ەشقانداي نەگىز جوق. پرەزيدەنتتىڭ سوزىنە قاراعاندا, بەرلۋسكوني ناقتى ايىپتاۋلار بويىنشا قاماۋعا الىنعان, سوندىقتان مەملەكەتتىك ينستيتۋتتارعا قۇرمەتپەن قاراۋى ءتيىس.
مۇنىڭ الدىندا بەرلۋسكوني ناپوليتانو ونى «قوعامدىق جۇمىستار ماسقاراسىنان» قۇتقارۋ ءۇشىن كەشىرىم جاساۋى ءتيىس دەپ مالىمدەگەن ەدى. بىراق پرەزيدەنتكە رەسمي ءوتىنىش ازىرشە جولدانباپتى. 27 قاراشادا يتاليا سەناتىندا الاياقتىق جاسادى دەگەن ايىپ تاعىلعاندىقتان, بەرلۋسكونيدى وسى پالاتا قۇرامىنان شىعارۋ تۋرالى ماسەلە قارالاتىن بولادى. بۇرىنعى پرەمەردىڭ ءوزى بولسا, وعان قارسى ءىس قولدان قۇراستىرىلعان دەگەندى كولدەنەڭ تارتادى. بەرلۋسكوني ءبىر جىلعا باس بوستاندىعىنان ايىرىلعان بولاتىن.
اقش-تىڭ باتىسىندا – قارلى بوران
اقش-تىڭ باتىس جاعالاۋلارىندا قارلى بوران ويران سالىپ تۇر. قالىڭ قار وتكەن بەيسەنبىدە وڭتۇستىك كاليفورنيادا باستالسا, بۇگىندە شىعىس ارقىلى تەحاسقا جاقىنداپ كەلەدى. قار, سونداي-اق, نيۋ-مەكسيكو, سولتۇستىك جانە وڭتۇستىك كارولينا, وكلاحوما جانە لۋيزيانانىڭ سولتۇستىگىندە كۇتىلىپ وتىر.
سينوپتيكتەردىڭ بولجاۋىنشا, قارلى بوران 27 قاراشاعا قاراي قازىرگىدەن دە كۇشەيە تۇسپەك. وتكەن اپتانىڭ سوڭىنان بەرى قارلى بوران تۋىنداتقان اۆتوموبيل اپاتتارىنان كەم دەگەندە 13 ادام قازا تاپقان. بۇعان قوسا, 11 مىڭنان استام ادام ەلەكتر جارىعىنسىز قالعان. داللاستىڭ حالىقارالىق اۋەجايىندا 24 قاراشادا 300 ۇشاق ۇشپاي قالعان. مۇنداي جاعداي باسقا اۋەجايلاردا دا كورىنىس بەرگەن.
ينتەرنەت ماتەريالدارى نەگىزىندە ازىرلەندى.