قايدا جۇرسەك تە, اتامەكەن, كوكەيىمىزدە تۇراسىڭ!
تۋعان جەر – ءار قازاقتىڭ جۇرەگىن ەرەكشە سوقتىراتىن اسىل ۇعىم. وتانىمىز ەلباسى نۇرسۇلتان ءابىش ۇلى نازارباەۆتىڭ كورەگەن ساياساتىنىڭ ارقاسىندا ەلەۋلى جەتىستىكتەرگە, بيىك اسۋ بەلەستەرگە جەتىپ وتىر. ۇلتىمىز ءوزىنىڭ قارعا تامىرلى تاريحىندا ءتۇرلى اۋىرتپاشىلىقتاردى باسىنان وتكەرىپ, بۇگىندە رۋحى ءور حالقىمىز بابالارى اڭساعان كەمەل جارقىن بولاشاققا, التىن عاسىرعا اياق باسۋدا.
قايدا جۇرسەك تە, اتامەكەن, كوكەيىمىزدە تۇراسىڭ!
تۋعان جەر – ءار قازاقتىڭ جۇرەگىن ەرەكشە سوقتىراتىن اسىل ۇعىم. وتانىمىز ەلباسى نۇرسۇلتان ءابىش ۇلى نازارباەۆتىڭ كورەگەن ساياساتىنىڭ ارقاسىندا ەلەۋلى جەتىستىكتەرگە, بيىك اسۋ بەلەستەرگە جەتىپ وتىر. ۇلتىمىز ءوزىنىڭ قارعا تامىرلى تاريحىندا ءتۇرلى اۋىرتپاشىلىقتاردى باسىنان وتكەرىپ, بۇگىندە رۋحى ءور حالقىمىز بابالارى اڭساعان كەمەل جارقىن بولاشاققا, التىن عاسىرعا اياق باسۋدا.
وسىدان تۋرا 20 جىل بۇرىن ەلىمىزدىڭ تۇڭعىش پرەزيدەنتىنىڭ تىكەلەي تاپسىرماسىمەن «بولاشاق» حالىقارالىق ستيپەندياسى ومىرگە كەلگەن بولاتىن. بۇگىندە 10 مىڭنان استام جاس وتانداستارىمىز شەتەلدەردىڭ ەڭ وزىق وقۋ ورىندارىندا ءبىلىم الىپ, ەل ءۇشىن قىزمەت ەتۋدە.
ۇلىبريتانيانىڭ ساۋتگەمپتون قالاسىندا ورنالاسقان شاھار اتىمەن ۇندەس ۋنيۆەرسيتەت قابىرعاسىندا بۇگىندە شامامەن 30-عا جۋىق قازاق جاستارى ءبىلىم الۋدا. بارشاسى ءبىر-ءبىرىن سۇيەمەلدەپ جۇرەدى. ءبىر اتانىڭ بالاسىندايمىز. بابا توپىراعىنان قانشا الىستا جۇرگەنمەن, ءبىر-بىرىمىزگە دەگەن كومەگىمىز دە, ەلگە دەگەن ىستىق ماحابباتىمىز دا سونشالىقتى بەرىك. حاكىم ابايدىڭ: ء"بىرىڭدى, قازاق, ءبىرىڭدى دوس, كورمەسەڭ, ءىستىڭ ءبارى بوس", دەگەن ءسوزىن ەش ەستەن شىعارماۋدامىز.
ساۋتگەمپتوندا وقىپ جاتقان قازاق جاستارى ەلىمىزدىڭ بارلىق وڭىرلەرىن قامتيدى دەسەك تە بولادى. ۋنيۆەرسيتەتتىڭ ساپا دەڭگەيىنىڭ جوعارىلىعى ستۋدەنتتەر الدىنا ۇلكەن ءبىلىم تالاپتارىن قويادى. ساۋتگەمپتون ۋنيۆەرسيتەتىن اتاقتى زاڭگەرلەر, باسقارۋشىلار, ينجەنەرلەر بىتىرگەن. عالامدىق توردى ويلاپ تاپقان (Worldwide web) عالىم سەر تيم بەرنەرس لي (Sir Tim Berners-Lee) وسى ۋنيۆەرسيتەت تۇلەگى.
ساباقتىڭ قيىندىعى بۇل ءتۇسىنىكتى, دەگەنمەن, الدىڭعى بۋىن اعالاردىڭ تابىستى ۇلگىسىن جالعاستىرۋ, ەلباسىنىڭ ارتقان ۇلكەن ءۇمىتىن اقتاۋ جاۋاپكەرشىلىگى ءاردايىم بىزدەرگە شابىت بەرۋشى كۇش بولىپ تۇرادى.
شەتەلدە بارشامىز ءتول مادەنيەتىمىزدىڭ, ءتىلىمىزدىڭ, قازاقتىڭ قوڭىر داۋىستى اندەرىنىڭ قانشالىقتى سۇلۋ ەكەندىگىن جاڭا قىرىنان اشىپ جاتىرمىز. ءبىر ايتا كەتەتىن جايت, قازاق ەلى جاستارىنىڭ بويىندا وزگەلەرگە بەرگىسىز ءبىر قۇرمەت پەن ىزەتتىلىك بار. ءبىز ارابتى, اعىلشىندى, ورىس پەن قىتايدى ەش الالاماي تابىسساق, ولار دا ءبىزدى ىلتيپاتپەن, يگى كوزقاراسپەن قارسى الادى. مۇنداي سىيلاستىق بارلىعىنا بىردەي بەرىلگەن قۇرمەت دەپ ايتۋ قيىن. مۇنى ۇلى ەلىمىزدىڭ ۇلى جەتىستىگى دەپ اشىق ايتا الامىز. ءارى الدىڭعى بۋىن «بولاشاق» باعدارلاماسىمەن وقىعان جاستاردىڭ ادامي جانە ءبىلىم ساپاسىنىڭ بيىكتىگىنىڭ ارقاسى. مۇنى ءبىز كۇندەلىكتى ءتاجىريبەمىزدەن كورۋدەمىز. ساۋتگەمپتون ۋنيۆەرسيتەتىندە وقىعان بارلىق قازاق جاستارى ۇزدىك باعامەن ءتامامداپ, جەرگىلىكتى ۇستازدار قاۋىمىنىڭ ريزاشىلىعىنا بولەنىپ كەلەدى. ارينە, وڭايلىقپەن كەلەتىن ەشتەڭە جوق. دەگەنمەن, نامىس پەن ابىروي قازاقتى ءار ۋاقىتتا العا جەتەلەگەن اسىل قاسيەتتەر. ول بارشامىزدىڭ بويىمىزدا جەتەرلىك. تەك سونى باعالاي الساق مۇراتىمىزعا جەتەمىز. قازىر قاتارىمىزدا جۇرگەندەر ماگيستراتۋرا, تەلەكوممۋنيكاتسيا, حالىقارالىق قارجى, قوعامدىق ساياسات, ءبىلىم بەرۋ جانە ينجەنەريا سالاسىنان ءبىلىم جەتىلدىرۋدە.
20 جىلدىق مەرەيتويى قارساڭىندا «بولاشاق» باعدارلاماسى ستيپەنديانتتارىنىڭ ءبىرى رەتىندە ءبىز دە قاتاردان قالماي, لەبىزىمىزدى ءبىلدىرۋدى ءجون كوردىك. اسىرەسە, الىستا جۇرگەندە ەلگە, جەرگە دەگەن ساعىنىش, اڭساۋ ەرەكشە بولادى ەكەن.
«بولاشاق» باعدارلاماسى – بۇل اتى مەن زاتىنا ساي تەرەڭ ويلاستىرىلعان, جۇيەلى جۇمىس جاساي الاتىن, تابىستى جەتىستىكتەرگە جەتكىزەتىن, جاڭا بەلەستەردى باعىندىرۋعا مۇمكىندىك بەرەتىن ۇيىم دەپ بىلەمىز.
نۇرلان قۇلمانوۆ,
مەرۋەرت جەتىباەۆا.