*تالدىقورعاننان الماتىعا اۋە قاتىناسى ىسكە قوسىلادى. بۇل تۋرالى ايتقان الماتى وبلىسىنىڭ اكىمى اڭسار مۇساحانوۆ ونىمەن «جەتىسۋ» كومپانياسى اينالىساتىنىن جەتكىزدى. ونىڭ قۇرامىندا ازىرگە 4 ۇشاق بار جانە ول وبلىس اكىمدىگىنىڭ بالانسىندا تۇر.
*تالدىقورعاننان الماتىعا اۋە قاتىناسى ىسكە قوسىلادى. بۇل تۋرالى ايتقان الماتى وبلىسىنىڭ اكىمى اڭسار مۇساحانوۆ ونىمەن «جەتىسۋ» كومپانياسى اينالىساتىنىن جەتكىزدى. ونىڭ قۇرامىندا ازىرگە 4 ۇشاق بار جانە ول وبلىس اكىمدىگىنىڭ بالانسىندا تۇر.
*شىعىستىڭ تۋريستىك الەۋەتىن ءتيىمدى جارنامالاۋ قاجەت. وسكەمەندە وتكەن ارنايى كەڭەستە وسى ماسەلەنى كوتەرگەن وبلىس اكىمى بەردىبەك ساپارباەۆ وڭىردە مۇنى جاساۋعا تولىق مۇمكىندىك بار ەكەنىن ايتا كەلىپ, ءتيىستى قۇرىلىمدارعا وسىعان بايلانىستى ناقتى تاپسىرمالار بەردى.
*وڭتۇستىك قازاقستان وبلىسىنىڭ بايدىبەك اۋدانىندا 3 مەديتسينالىق نىسان اشىلدى. سوڭعى ۇلگىدەگى مەديتسينالىق جابدىقتارمەن جاراقتالعان ولار اۋىلدىق وكرۋگتەر قاراۋىنداعى اقتاس, جيەنقۇم جانە ىنتىماق اتتى شاعىن ەلدى مەكەندەردە پايدا بولدى.
*اتىراۋ وبلىسىندا «قىس-2013» جاتتىعۋى اياسىندا كوميسسيا وتىرىسى ءوتتى. وندا رەسپۋبليكالىق وقۋ-جاتتىعۋعا دايىندىق ماسەلەسى تالقىلانىپ, الدا اتقارىلاتىن جۇمىستار سارالاندى.
*جامبىل وبلىسىندا حانتاۋ تسەمەنت زاۋىتىنىڭ پروبلەماسى شەشىلدى. تاياۋدا ەلباسىنىڭ سىنىنا ۇشىراعان بۇل نىسان اينالىم قاراجاتىنىڭ جوقتىعى سالدارىنان توقتاپ قالعان ەدى. قازىر جوبا بويىنشا جاڭا ينۆەستور تابىلدى, ول ءونىم ءوندىرۋدى 2014 جىلدىڭ ءبىرىنشى جارتىسىندا باستاعالى وتىر.
*پاۆلوداردا 30 بەلسەندى جاسقا وبلىس اكىمىنىڭ ءبىلىم گرانتى تاپسىرىلدى. ءوڭىر باسشىسى ەرلان ارىن مۇنى قازاقستان حالقى اسسامبلەياسى جاستار بىرلەستىگىنىڭ بەلسەندىلەرىمەن كەزدەسۋ بارىسىندا جۇزەگە اسىردى.
*قىزىلوردادا اۋىر اتلەت الماس وتەشوۆكە قۇرمەت كورسەتىلدى. قالا اكىمى نۇرلىبەك نالىباەۆ «سىر جاستارى – جاسامپازدىق جارشىسى» اتتى قالا جاستارىنىڭ ءداستۇرلى فورۋمىندا جاقىندا الەم چەمپيوناتىنىڭ كۇمىس جۇلدەگەرى بولىپ قايتقان سپورتشىعا ارنايى سىيلىق تابىس ەتتى.
ەلىمىزدەگى وبلىستىق جانە قالالىق اكىمدىكتەر سايتتارى ماتەريالدارى بويىنشا دايىندالدى.