سپورتتىق جانە كوركەم گيمناستيكادان 2021 جىلعى الەم چەمپيوناتى جاپونيانىڭ كيتاكيۋسيۋ قالاسىندا وتەدى. بۇل تۋرالى حالىقارالىق گيمناستيكا فەدەراتسياسىنىڭ (FIG) ءباسپاسوز قىزمەتى حابارلادى دەپ جازادى Olympic.kz.
العاشىندا الەمدىك دودانى دانيا استاناسى كوپەنگاگەن قالاسى قابىلدايتىن بولعان. الايدا, عالامدىق كوروناۆيرۋس ىندەتىنە بايلانىستى دانيالىقتار جارىستى وتكىزۋدەن باس تارتتى. وسىلايشا, 2021 جىلعى الەمدىك دودا قازان ايىندا جاپونيادا وتەتىن بولىپ شەشىلدى.
كيتاكيۋسيۋ قالاسىندا الدىمەن سپورتتىق گيمناستيكادان, كەيىن كوركەم گيمناستيكادان الەمد بىرىنشىلىگى وتپەكشى. سپورتتىق جانە كوركەم گيمناستيكادان الەم چەمپيوناتى وليمپيادا وتپەيتىن جىلدارى ۇيىمداستىرىلادى. الايدا, 2020 جىلعى وليمپيادا ويىندارىنا كەيىنگە شەگەرىلگەندىكتەن, 2021 جىلعى الەم بىرىنشىلىگىن وتكىزۋ تۋرالى شەشىم قابىلداندى.