ورال قالاسىندا «WESTKAZINVEST-2013» اتتى تاقىرىپتا حالىقارالىق بيزنەس فورۋم جۇمىسىنا رەسەي, بەلارۋ جانە قازاقستان مەملەكەتتەرىنىڭ ىسكەر توپ وكىلدەرى مەن عالىمدارى جانە مەملەكەتتىك ورگان جەتەكشىلەرى قاتىستى. وسى باسقوسۋ اياسىندا يننوۆاتسيالىق جوبالار كورمەسى ۇيىمداستىرىلىپ, وعان ءار ەلدەگى 80 كاسىپورىن ءوز ونىمدەرى مەن كورسەتەتىن قىزمەت تۇرلەرىن تانىستىردى.
ورال قالاسىندا «WESTKAZINVEST-2013» اتتى تاقىرىپتا حالىقارالىق بيزنەس فورۋم جۇمىسىنا رەسەي, بەلارۋ جانە قازاقستان مەملەكەتتەرىنىڭ ىسكەر توپ وكىلدەرى مەن عالىمدارى جانە مەملەكەتتىك ورگان جەتەكشىلەرى قاتىستى. وسى باسقوسۋ اياسىندا يننوۆاتسيالىق جوبالار كورمەسى ۇيىمداستىرىلىپ, وعان ءار ەلدەگى 80 كاسىپورىن ءوز ونىمدەرى مەن كورسەتەتىن قىزمەت تۇرلەرىن تانىستىردى.
اتالعان اۋقىمدى ءىس-شارانىڭ باستى ماقساتى – ءار مەملەكەتتەگى ينۆەستيتسيالىق مۇمكىندىكتەردى ورتاعا سالۋ, بيزنەستىك قۇرىلىمداردىڭ بايلانىس اياسىن كەڭەيتۋ, وسى ارقىلى ينتەگراتسيالىق ۇردىستەردىڭ جاڭا مۇمكىندىكتەرىن قاراستىرۋ.
فورۋمنىڭ اشىلۋ ءراسىمى كەزىندە يندۋستريا جانە جاڭا تەحنولوگيالار مينيسترلىگى ينۆەستيتسيالار جونىندەگى كوميتەتىنىڭ توراعاسى ەرلان قايىروۆ تاۋەلسىزدىك جىلدارى ەلىمىزگە 200 ميلليارد تەڭگە شەتەلدىك ينۆەستيتسيا تارتىلعانىن اتاپ كورسەتتى. ال رەسەيدىڭ ورال قالاسىنداعى باس كونسۋلى سايد زابيتوۆ بۇگىنگى تاڭدا رەسەيلىك 76 كاسىپكەرلىك سۋبەكتىسى قازاقستاندا تابىستى ەڭبەك ەتىپ جۇرگەنىن جەتكىزدى. ونىڭ سوزىنە قاراعاندا رەسەي مەن قازاقستاننىڭ شەكارالاس وبلىستارى ءوزارا ساۋدا-ەكونوميكالىق, مادەني-گۋمانيتارلىق باعىتتا 250 كەلىسىم جاساسقان. ەكى ەل اراسىنداعى تاۋار اينالىمىنىڭ قىرىق پايىزى شەكارالاس ايماقتاردىڭ ەنشىسىنە تيەتىنى بۇگىنگى حالىقارالىق فورۋمنىڭ ءمانى مەن ماقساتىن تەرەڭدەتە تۇسەدى.
فورۋمدا باتىس قازاقستان وبلىسى اكىمدىگى قۇرىلىس, ماشينا جاساۋ, اگروونەركاسىپ كەشەنى, تۋريزم, يننوۆاتسيا سالالارىنا بايلانىستى ءتيىستى مەكەمە-كاسىپورىندارمەن, قوعامدىق ۇيىمدارمەن جالپى قۇنى 170 ميلليون دوللار كولەمىندەگى ينۆەستيتسيالىق مەموراندۋمدارعا قول قويدى.
تەمىر قۇسايىن,
«ەگەمەن قازاقستان».
ورال.