"Antikor ortalygy" سەرۆيستىك ورتالىعىندا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باسشىسى ا.ەرسەيتوۆ پەن دەپارتامەنت باسشىسىنىڭ ءبىرىنشى ورىنباسارى ب.نيازوۆ Zoom پلاتفورماسى ارقىلى قارماقشى اۋدانى اكىمىنىڭ ورىنباسارى ا.قوشالاقوۆ, سونىمەن قاتار كەنت جانە اۋىلدىق اكىمدەرىمەن كەزدەسۋ وتكىزدى. وندا "كومەكباەۆ اۋىلدىق وكرۋگى اكىمى اپپاراتى" مم-ءنىڭ جەتەكشى مامانىنا قازاقستان رەسپۋبليكاسىنىڭ قىلمىستىق كودەكسىنىڭ 189-بابىنىڭ 3-بولىگىنىڭ 2-تارماعىمەن تەرگەلگەن قىلمىستىق ءىس بويىنشا قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 200-بابىنىڭ ءتارتىبى نەگىزىندە ەنگىزىلگەن ۇسىنىس قارالدى, دەپ حابارلايدى Egemen.kz.
بۇل جىمقىرۋمەن بايلانىستى قىلمىستىق قۇقىق بۇزۋشىلىق ەلەكتروندىق تسيفرلىق قولتاڭبانىڭ كىلتىن قولدانۋدا ەسەپشى-مامانعا باسشىلار تاراپىنان باقىلاۋ بولماۋىنان ورىن الىپ, مەملەكەتكە 3 634 292 تەنگە مولشەرىندە ماتەريالدىق زالال كەلتىرىلگەن.
كەزدەسۋ بارىسىندا, اۋىلدىق اكىمدەرگە الداعى ۋاقىتتا ەكىنشى قول قويۋ قۇقىعىنا يە تۇلعاعا, ياعني مەكەمەنىڭ ەسەپشىسىنە ەلەكتروندىق تسيفرلىق قولتاڭبانىڭ جابىق كىلتتەرىن بەرۋگە شەكتەۋ قويىپ, ۆەدومستۆولىق اكتى نەگىزىندە ونى قولدانۋدىڭ ءتارتىبىن بەكىتۋ, قارماقشى اۋدانى اكىمى اپپاراتىنا قاراستى مەكەمەلەردىڭ قىزمەتىنە ءتيىستى تەكسەرۋ جۇرگىزىپ, قىلمىستىق قۇقىق بۇزۋشىلىقتارعا جول بەرگەن لاۋازىم يەلەرىنىڭ تارتىپتىك جاۋاپكەرشىلىكتەرىن شەشۋ ۇسىنىلدى.