وتكەن 9 ايدا الماتى وبلىسىندا ونەركاسىپتە ءوسىم 3,1% نەمەسە 846,7 ملرد تەڭگە, اۋىل شارۋاشىلىعىندا – 2,4% نەمەسە 634,6 ملرد تەڭگە, قۇرىلىستا – 11,6% نەمەسە 208,2 ملرد تەڭگەنى قۇرادى. بۇل تۋرالى الماتى وبلىسىنىڭ اكىمى اماندىق باتالوۆ پرەزيدەنت جانىنداعى وكق الاڭىندا وتكەن بريفينگىدە ايتتى, - دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.
"2020 جىل كوروناۆيرۋس ىندەتىنە بايلانىستى وڭاي بولعان جوق. مەملەكەت باسشىسى قاسىم-جومارت كەمەل ۇلىنىڭ تاپسىرماسىنا سايكەس ۇكىمەت دەر كەزىندە حالىقتى الەۋمەتتىك قورعاۋ جانە بيزنەستى قولداۋ شارالارىن قابىلدادى. وسىنىڭ ارقاسىندا ەكونوميكانىڭ نەگىزگى سالالارىندا ءوسىم قارقىنىن ساقتاي الدىق", - دەدى ا. باتالوۆ.
ءوڭىر باسشىسىنىڭ ايتۋىنشا, توعىز اي ىشىندە 437,9 ملرد تەڭگە ينۆەستيتسيا تارتىلىپ, ءوسىم 8,8% قۇرادى.