ەلورداداعى بوتانيكالىق باقتا قۇرىلىس جۇمىسى جۇرگىزىلمەيدى

 «ەلورداداعى بوتانيكالىق باق ەرەكشە قورعالاتىن تابيعي اۋماققا جاتادى. ونىڭ ماقساتى – وسىمدىكتەردىڭ جاڭا تۇرلەرىن ءوسىرىپ, وسىنداعى اۋا-رايىنا بەيىمدەۋ.سوندىقتان بۇل جەردە تەك عىلىمي-زەرتتەۋ جۇمىستارى جۇرگىزىلەدى.  بىردە-ءبىر قۇرىلىس جۇمىسى جۇرمەيدى», - دەدى ول جۋرناليستەرگە بەرگەن سۇحباتىندا.

ال نۇر-سۇلتان قالاسىنىڭ اكىمدىگى حابارلاعانداي, سپورت ورتالىعى ساياباقتىڭ جاسىل جەلەگى جوق بولىگىنە, ياعني بوتانيكالىق باقتىڭ جوعارعى بولىگىنە سالىنادى. جوبا قالانىڭ باس جوسپارىنا سايكەس كەلەدى.

«بوتانيكالىق باقتىڭ جالپى اۋماعى 89,1170 گەكتار دەسەك, ونىڭ 42,9 گەكتارى نۇر-سۇلتان قالاسى اكىمدىگىنە قاراستى پاركتىڭ اۋماعىنا جاتادى. ال 46,3 گەكتار جەر مينيسترلىككە قارايدى. ياعني, باقتىڭ اينالاسى قالانىڭ كوممۋنالدىق مەنشىگىندە بولعاندىقتان نىسان تۇرعىزۋ ماسەلەسىن اكىمدىك شەشەدى.  جالپى سىرتتان اكەلىنگەن وسىمدىكتەردى قولايسىز اۋا رايىنان, قىستىڭ ايازىنان قورعاۋ ماقساتىندا وسىنداي كونتسەپتسيا تاڭدالىپ,  بوتانيكالىق باقتىڭ ءتورت جاعى اعاشتار ەگىلگەن پاركپەن قورشالدى. ياعني, قازىر بوتانيكالىق باقتىڭ ىق جەردە تۇرعانى دۇرىس», - دەپ ءتۇسىندىردى ۆيتسە-مينيستر.

ەرلان نىسانباەۆ باقتىڭ اكىمدىك قاراستى بولىگىنە سپورت نىسانى تۇرعىزىلعانىمەن, شۋ تۋدىراتىن ويىن-ساۋىق ورتالىقتارى سەكىلدى عيماراتتاردىڭ سالىنۋىنا جول بەرۋگە بولمايتىنىن جەتكىزدى.

«دۇنيەجۇزىلىك تاجىريبەگە قاراساق, وسىدان 25-30 جىل بۇرىن بوتانيكالىق باقتاردا ەشقانداي تىرشىلىك جاساۋعا بولمايدى دەگەن ۇعىم بولاتىن. ال قازىر قاي مەملەكەتتە دە بوتانيكالىق باقتار حالىقتىڭ دەمالاتىن ورنىنا اينالدى. ياعني رەكرەاتسيا ءۇشىن دە قولدانىلادى. ونداي مىسالداردى ەۋروپادان, امەريكادان, تايلاند سياقتى وڭتۇستىك-شىعىس ازيا ەلدەرىنەن كورۋگە بولادى.  ارينە, كەلۋشىلەر دە مادەنيەتتى ساقتاپ,  قوقىس تاستاماۋعا, لاستاماۋعا, قاتتى سويلەمەي ارالاۋعا تىرىسۋى كەرەك», - دەپ ايتتى ەرلان نىسانباەۆ.

ايتا كەتەيىك, 2 قاراشا كۇنى نۇر-سۇلتان قالاسىنىڭ اكىمدىگى بوتانيكالىق باقتىڭ جاسىل جەلەكسىز بولىگىندە سپورت ورتالىعى سالىناتىنىن حابارلاعان. وسىعان بايلانىستى قارسى پىكىر بىلدىرگەن ەكولوگيالىق بەلسەندىلەر بولدى.