ەڭبەگى جانعان ەۆگەنيا

نەگىزىندە, اتالعان ور­تا­لىق قازاق­ستان حالقى اس­سام­بلەيا­سىنىڭ «قازاق­تانۋ» مادەني-اعار­تۋشىلىق جوباسى اياسىندا حالىق شىعار­ماشىلىعى مەن حالىق كا­سىپشىلىگىن جانداندىرۋمەن جانە ونى تانىمال ەتۋمەن اينالىسادى.

– گراففيتي نەمەسە كوم­پيۋتەرلىك ديزاين سياقتى زاماناۋي ادىستەر بۇعان جاتپايدى. بىراق بىزگە ستيليزاتسيانى – حالىق كاسىپشىلىگىنىڭ سينتەزىن جانە تاعى باسقا قانداي دا ءبىر ونەردى قولدانۋعا ەشكىم تىيى­م سالمايدى, – دەيدى سۋرەتشى.

ەۆگەنيا ءوزىنىڭ «زاما­ناۋي ونەر تۇرىندەگى كيىز با­­سۋدىڭ كونە كاسىبى» اتتى زەرت­تەۋ ەڭبەگىندە بۇل سالا­داعى تىلسىمنىڭ سىرىنا تەرەڭ بويلايدى. پەيزاج تا­قىرىبىنداعى كارتينالارىندا الۋان ءتۇرلى تۇستەردى بويالعان ءجۇننىڭ رەڭك تىلىمەن شەبەر جەتكىزەدى. ايتا كە­تەتىن ءبىر جايت, ونەر يەسىنىڭ ادىستەمەلىك ازىرلەمەسى, كيىز سۋرەتتەرى مەن جاساپ شىعارعان اكسەسسۋارلارى ادىلەت مينيس­ترلىگىنىڭ اۆتورلىق سەرتيفيكاتىنا يە بولعان.

قازىر ەۆگەنيا سۇيەكتەن زەرگەرلىك بۇيىمدار جاساۋعا دەن قويىپ ءجۇر. ءبىراز ۋا­قىتتان بەرى سۇيەك ويۋلارىن زەرت­تەپ جۇر­گەن شەبەر بۇل كاسىپتى قازاق حالقىنىڭ كيىز باسۋ, اعاش ويۋ, قىش قولونەرى, بىلعارى ويۋىمەن قاتار تۇ­رۋعا ءتيىس قولونەر ءتۇرىنىڭ ءبىرى رەتىندە باعالايدى.

بۇدان بولەك سۋرەتشى گرەك, بەلورۋس جانە پولياك ەت­نو­مادەني بىرلەستىكتەرىنىڭ ستۋدەنتتەرىمەن بىرگە ەتنوستىق كيىم توپتاماسىن جاساۋدى قولعا العان. بۇ­لار تىككەن كيىم تۇرلەرى زاماناۋي ۇل­گىگە مەيلىنشە جاقىنداستىرىلعان. سول سەبەپتى, ولاردى تاماشالاپ قانا قوي­ماي, كۇندەلىكتى ومىردە كيىپ جۇرۋگە دە بولادى.

– ەتنوستىق سارىندى جانداندىرۋ – بەلگىلى ءبىر حا­لىق­تىڭ وكىلى بولىپ سانالاتىن ادامداردىڭ ار-نامىسىنا, ولاردىڭ مادەني جانە تاريحي قۇندىلىقتارىنا دەگەن قۇرمەت, – دەپ سىر اق­تارادى ول.

قاراعاندىلىق سۋرەتشى ەۆ­گەنيا شۋلتس قازىرگى تاڭدا كوپشىلىككە تانىمال بولىپ ۇلگەرگەن ونەر يەسى. شەبەردىڭ ۇلتتىق مادەنيەتتى دامىتۋ جولىنداعى جەمىستى ەڭبەگى لايىقتى باعالانىپ, تاياۋدا ول قازاقستان حالقى اسسامبلەياسىنىڭ 25 جىلدىق مەرەيتويىنا وراي مەدالمەن ماراپاتتالدى.

قاراعاندى