اۋىل شارۋاشىلىعىن قارجىلاندىرۋ ەسەلەنەدى

اۋىل شارۋاشىلىعىنداعى ءونىم ءوندى­رى­سىنىڭ جالپى كولەمى سوڭعى بەس جىلدا جىل­دىق 3,1%-عا وسكەنىنە قاراماستان, سالادا ءالى دە اگرارلىق داقىلدار ونىمدىلىگىنىڭ تومەندىگى, ەڭبەك شىعىندارىن اقتامايتىن ەس­كىرگەن تەحنولوگيالاردى پايدالانۋمەن, سون­داي-اق سالاداعى سۋبەكتىلەردىڭ يننو­ۆا­تسيا­لىق بەلسەندىلىگىنىڭ باياۋلىعى مەن ەڭبەك ونىم­د­ىلىگىنىڭ تومەندىگى بايقالۋدا.

اۋىل شارۋاشىلىعى تەحنيكاسىن جاڭار­تۋ­دىڭ جىل سايىنعى قارقىنى رەسپۋبلي­كا­دا شامامەن 2% دەڭگەيىندە تۇر. بۇل رەتتە ەىدۇ ەلدەرىندە وسى كورسەتكىش – 10-12% شا­ماسىندا.

بانكتەر تاراپىنان سەكتوردى نەسيەلەۋ كور­سەتكىشى ءالى دە جەتكىلىكسىز. اوك قار­جى­­لاي تۇرعىدا قولداۋ تەتىكتەرى مەملەكەت ور­گان­­دارى ارقىلى جۇزەگە اسىپ كەلەدى.

بيىل ەكىنشى توقساندا ۇلتتىق ەكونوميكا مينيسترلىگى ستاتيستيكا كوميتەتىنىڭ كونيۋن­ك­تۋرالىق زەرتتەۋلەرىنىڭ دەرەكتەرى بو­يىنشا رەسپوندەنتتەردىڭ 48% جەڭىل­دە­تىل­گەن نەسيە ەڭ ءتيىمدى شەشىم دەپ ەسەپتەيتىنى انىقتالعان. قازاقستاندا بۇل باعىتتاعى جۇمىستى «اگرارلىق نەسيە كورپوراتسيا­سى» اق اتقارىپ كەلە جاتقانىن ايتا كەت­كەن ورىندى. بيىل ماۋسىم ايىنىڭ سوڭ­ىنا قاراي كورپوراتسيانىڭ وتاندىق اگرو­ونەر­كا­سىپ­تىك كەشەندى نەسيەلەۋ ۇلەسى 52,6%-دى نەمەسە 488,1 ملرد تەڭگەنى قۇرادى.

بىلتىرعى ەسەپتىڭ دەرەكتەرىنە سۇيەن­سەك, اتالعان كورپوراتسيا جالپى سوماسى 289,8 ملرد تەڭگەگە 8,3 مىڭ قارىز الۋ­شى­نى قارجىلاندىردى. بۇل 2018 جىل­مەن سالىستىرعاندا, 12%-عا ارتىپ, جوس­پاردان 16%-عا كوپ (250,2 ملرد تگ). اۋىل شارۋاشىلىعى مەن تاماق ونىمدەرى وندىرى­سىن­دە­گى نەگىزگى سۋبەكتىلەرگە نەسيە بەرۋ كولەمى بويىنشا جوسپاردىڭ ورىندالۋى تيىسىنشە 226-214% ارالىعىندا بايقالسا كەرەك.

2019 جىلى نەسيەلەردىڭ باسىم بولىگى «كەڭ دالا» كوكتەمگى ەگىس جانە ەگىن جيناۋ جۇ­مىستارىن نەسيەلەندىرۋ باعدارلاماسى بو­يىنشا (60 ملرد تەڭگە) بەرىلدى. «اگرو­بيز­نەس 5 باعىت» باعدارلاماسى اياسىندا جالپى سوماسى 54,9 ملرد تەڭگەگە 78 جوبا قارجىلاندىرىلدى. اتاپ ايتقاندا, ەتتى مال شارۋاشىلىعىن دامىتۋعا – 10,5 ملرد تەڭگە (442 جوبا), ەت جانە وسىمدىك شارۋاشىلىعى ونىمدەرىن قايتا وڭدەۋگە – 6,6 ملرد تەڭگە (16 جوبا), ءسۇت شارۋاشىلىعىن دامىتۋعا – 0,1 ملرد تەڭگە (3 جوبا), سۋارۋ جۇيەلەرىن ساتىپ الۋعا – 1,1 ملرد تەڭگە (17 جوبا), وسىمدىك شارۋاشىلىعىن قارجىلاندىرۋعا 36,6 ملرد تەڭگە (200 جوبا) بەرىلدى.

ەتتى مال شارۋاشىلىعىن دامىتۋدىڭ ۇلت­تىق باعدارلاماسىن ىسكە اسىرۋ شەڭ­بە­رىندە «سىباعا» نەسيە باعدارلاماسى ازىر­لە­نىپ, ونىڭ اياسىندا كورپوراتسيا 22,3 ملرد تەڭگەگە جوبالاردى قارجىلاندىردى.

بۇعان قوسا نەسيەلىك سەرىكتەستىكتەر مەن ليزينگتىك كومپانيالار ارقىلى اوك-ءدى قارقىندى تەحنيكالىق قايتا جاراقتاندىرۋ كارتاسى شەڭبەرىندە اۋىل شارۋاشىلىعى تەحنيكاسىن, سول سەكىلدى قاجەتتى جابدىقتاردى ساتىپ الۋ ءىسى قارجىلاندىرىلدى. 2019 جىلى 876,4 ملن تەڭگە سوماسىنا 147 بىرلىك اۋىل شارۋاشىلىعى تەحنيكاسى مەن جابدىعىن ساتىپ الۋ ءۇشىن 6 ءاشتو نەسيەسى بەرىلدى.