30 قازان كۇنى كەشكە قىزىلوردا قالالىق پوليتسيا باسقارماسىنىڭ كەزەكشى بولىمىنە وبلىس ورتالىعىنىڭ 25 جاستاعى تۇرعىن ارىزدانعان. ول قالالىق اۋرۋحانا الدىندا ءبىر جاس جىگىت ونى تاپانشاعا ۇقساس زاتپەن ونى قورقىتىپ, اۆتوكولىگىنە مىنگىسى كەلگەنىن حابارلاپتى.
وقيعا ورنىنا جەدەل تەرگەۋ توبى تەز ارادا جەتىپ, جابىرلەنۋشىدەن ءوزىن قورقىتقان جىگىتتىڭ بەت-الپەتىنىڭ سيپاتتاماسىن الىپ, پوليتسيا ەكيپاجدارىنا باعىت-باعدار بەرەدى.
پاترۋلدىك پوليتسيا قىزمەتكەرلەرى جۇرگىزگەن جەدەل-ىزدەستىرۋ جۇمىستارىنىڭ ناتيجەسىندە كوپ ۇزاماي 29 جاستاعى جۇمىسسىز ازامات ۇستالدى. ودان ايعاقتى زات رەتىندە ويىنشىق تاپانشا تاركىلەندى.
كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 115-بابىمەن سوتقا دەيىنگى تەرگەپ-تەكسەرۋ باستالدى.