نازارباەۆ زياتكەرلىك مەكتەپتەرى وقۋشىلارى اراسىندا وتكىزىلگەن جالپى ءبىلىم بەرەتىن پاندەر بويىنشا جەلىلىك عىلىمي جوبالار سايىسىندا قىزىلوردا قالاسىنداعى نازارباەۆ زياتكەرلىك مەكتەبىنىڭ وقۋشىلارى 7 جۇلدەلى ورىن يەلەندى.
قىزىلوردالىق زياتكەرلەر سايىسقا 10 عىلىمي جوبا مەن اۆتورلىق ونەرتابىستارىن ۇسىندى. ءبىرى جۇرەك اقاۋلارىن انىقتايتىن ەلەكتروكارديوگراف جاساپ شىعارسا, باسقالارى بالامالى ەنەرگيا كوزدەرىن الۋ, تالداردى ەگۋگە ارنالعان قۇرىلعى مەن جىلىجايدا مادەني وسىمدىكتەردى ءوسىرۋدىڭ زاماناۋي تەحنولوگياسىن تانىستىرعان. سونداي-اق, جاس ونەرتاپقىشتار سۋدى وندىرىستىك قالدىقتاردان تازالاۋ, سىرداريا وزەنىنىڭ لاستانۋ ايماعىن انىقتاۋدىڭ جاڭا ادىستەرىن جاساپ شىعىپتى. سايىستا بالالاردىڭ تىلدىك داعدىلارىن ارتتىرۋداعى تىڭ يدەيالار مەن قازاق حاندىعىنداعى بيلەر ينستيتۋتىنىڭ ءرولىن زەرتتەۋ جوبالارى دا جوعارى باعالاندى.
بايقاۋ قورىتىندىسى بويىنشا 7 جۇمىستىڭ اۆتورلارى جۇلدەلى ورىندارمەن ماراپاتتالدى. اتاپ ايتقاندا, 8-سىنىپ وقۋشىسى بەكجان بەكتۇرعان, 12-سىنىپتان گۇلدانا ءسابيتوۆا مەن داۋلەت رايىمباەۆ جانە 10-سىنىپتىڭ ءبىلىم الۋشىسى زارينا ايسايتوۆا جەڭىمپاز اتانسا, 9-سىنىپ وقۋشىلارى نۇرنازار تۇرىكبەن, توعجان مارات جانە جۇلدىزاي مۇنايتباسوۆا جۇلدەلى 2-ورىندى يەلەندى. ال 12-سىنىپ وقۋشىسى مەرەي سەمباي مەن 9-سىنىپتان جىبەك كوشەرباەۆا ءۇشىنشى تۇعىردان كورىندى.
جالپىكوماندالىق ەسەپتە قىزىلورداداعى NIS "ەڭ ۇزدىك كوماندا-2020" اتاندى.