قازاقستان مۇسىلماندارى ءدىني باسقارماسى جانىنان "حالىق ارنا" رەسپۋبلكيالىق تەلەارناسى اشىلادى, - دەپ حابارلايدى Egemen.kz
"قازاقستان مۇسىلماندارى ءدىني باسقارماسىنىڭ قۇرىلعانىنا 30 جىل تولۋىنا وراي كوپتەگەن يگى شارالار ۇيىمداستىرىلدى. پاندەميا كەزىندە ءمۇفتيات قايىرىمدىلىق باعىتتا بىرقاتار شارالار اتقاردى. سونىمەن قاتار كارانتين كەزىندە ونلاين ناسيحات جۇمىستارىنىڭ ماڭىزى ارتتى. دەگەنمەن اقپارات عاسىرىندا جاڭا تەحنولوگيانى يگەرىپ, ناسيحات جۇرگىزۋ مەن اقپارات تاراتۋدىڭ تەلەۆيزيالىق ءتاسىلىن وزىمىزدەن باسقارۋدى ۇيعاردىق. وسىعان وراي قمدب جانىنان رەسپۋبليكالىق "حالىق ارنا" اتتى ءتول تەلەارنامىزدى اشقالى وتىرمىز", دەلىنگەن ءدىني باسقارما تاراتقان اقپاراتتا.