كەشە اتىراۋ مۇناي وڭدەۋ زاۋىتىنىڭ بيولوگيالىق تازارتۋ قۇرىلعىسىندا اقاۋ ورىن الدى, - دەپ حابارلايدى Egemen.kz
"بيولوگيالىق تازارتۋ قۇرىلعىسىنىڭ جۇمىس رەجيمىندە اقاۋ ورىن الدى. بۇل بيولوگيالىق شلامنىڭ نورماتيۆتىك تازارتىلعان اعىندار ارناسىنا از ۋاقىتقا ءوتىپ كەتۋىنە سەبەپ بولدى. قازىرگى ۋاقىتتا تەحنولوگيالىق رەجيمدى قالىپقا كەلتىرۋ جۇمىستارى جۇرگىزىلىپ جاتىر. وسى جاعدايدى تەكسەرۋ ءۇشىن ارنايى كوميسسيا قۇرىلدى", دەپ حابارلادى كاسىپورىننىڭ ءباسپاسوز قىزمەتى.
اتىراۋ مۇناي وڭدەۋ زاۋىتى 2019 جىلى سارقىندى سۋلاردى تازارتۋ ساپاسىن جاقسارتۋ ماقساتىندا تازارتۋ نىساندارىن قايتا جاڭارتۋدى جوبالاۋ جۇمىستارىن باستادى. قازىر الاڭداردى دايىنداۋ, جابدىقتار ساتىپ الۋ جۇرگىزىلۋدە. جوبانى 2022 جىلى اياقتاۋ جوسپارلانىپ وتىر.