قالالىق ۆەلوسيپەدتەردى جالعا بەرۋ ماۋسىمى رەسمي تۇردە 1 قاراشادا اياقتالادى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
جەكسەنبى كۇنى تاڭعى ساعات 03: 00-دە ستانتسيالارداعى بارلىق ۆەلوسيپەدتەر بۇعاتتالادى, دەپ حابارلايدى اكىمدىكتىڭ رەسمي سايتى CTS-كە سىلتەمە جاساپ.
Astana Bike ۆەلوسيپەدتەرىن جالعا بەرۋ جوباسى ەلوردادا 2014 جىلدان بەرى جۇزەگە اسىرىلىپ كەلەدى. وسى جىلى جوبا CTS باسقارۋىنا بەرىلدى. وسى ۋاقىت ارالىعىندا velobike.kz رەسمي سايتى وزگەرتىلدى, ونلاين-تىركەۋ, ونلاين تولتىرۋ جانە تولەم فۋنكتسيالارى سايتتا تاۋلىك بويعى رەجيمدە ەنگىزىلدى; Kaspi.kz جانە QIWI ارقىلى تولەم ىسكە قوسىلدى. مونيتورينگ ءۇشىن كامەرالار قولدانىلادى.
«بارلىق جاڭاشىلدىقتار قىزمەت كورسەتۋ ساپاسىنىڭ ايتارلىقتاي وسۋىنە ىقپال ەتتى, ناتيجەسىندە پايدالانۋشىلار سانى ءۇش ەسە ارتتى. ىسكە قوسىلعان ساتتەن باستاپ جۇيەگە 14,2 مىڭنان استام جاڭا تۇتىنۋشى تىركەلدى, 14 مىڭ جازىلىم ساتىپ الىندى, ال ۆەلوسيپەدپەن ءجۇرىپ وتكەن جالپى قاشىقتىق 1,6 ميلليون كم. ۆەلوسيپەدتى پايدالانۋشىلاردىڭ كوپشىلىگى ەرلەر - 61,5%, ايەلدەر - 38,5%», - دەپ ءتۇسىندىردى CTS كومپانياسى.
ۆەلوسيپەدتەردى جالعا الۋ مەرزىمى اياقتالعان كەزدە ستانتسياعا قايتارۋعا بولاتىندىعىن ەسكە سالامىز. بالانس كەلەسى ماۋسىمعا اۋىستىرىلادى. قالاساڭىز, قالعان بولىگىن ر. قوشقارباەۆا داڭعىلى, 50/1 مەكەن-جايى بويىنشا CTS ورتالىق كاسساسىنان الۋعا بولادى.