تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى Astana Hub جانە قاراعاندى «تەرريكون القابى» IT-حابىمەن بىرلەسىپ, بيىل 2 قاراشادان باستاپ IT كومپانيالار مەن فريلانسەرلەر ءۇشىن اكسەلەراتسيالىق باعدارلامانى ىسكە قوسادى.
اكسەلەراتور حالىقارالىق نارىققا شىعۋدى جوسپارلاپ وتىرعان IT كومپانيالار مەن فريلانسەرلەر ءۇشىن 6 جانە 4 اپتالىق تەگىن وقۋ كۋرسىن قامتيدى.
«وسى جوبا ءبىزدىڭ ماماندارعا سىرتقى نارىقتاردا, شەتەلدە سۇرانىسقا يە بولۋعا مۇمكىندىك بەرەتىن ءبىلىم مەن قۇزىرەتتىلىك قورىن قالىپتاستىرۋعا باعىتتالعان. ارنايى كوميسسيا پورتفوليو بويىنشا 30 قاتىسۋشىنى تاڭدايدى. ونى جوبا سايتىندا ساۋالداما دەرەكتەرىن تولتىرۋ ارقىلى ۇسىنۋ قاجەت», دەپ ءتۇسىندىردى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى IT دامىتۋ دەپارتامەنتىنىڭ ديرەكتورى دارحان احمەديەۆ.
وقىتۋ باعدارلاماسى دارىستەردەن, ۆوركشوپتاردان, مەنتورلارمەن جانە ساراپشىلارمەن بىرقاتار باعىت بويىنشا جۇمىستاردان تۇرادى. اتاپ ايتقاندا ماقساتتى نارىق پەن باسەكەلەستەردى زەرتتەۋ; ماقساتتى كليەنتتىڭ پورترەتى مەن قۇندىلىق ۇسىنىسىنىڭ سيپاتتاماسى; كليەنت ءۇشىن ءونىمدى وراۋ; ساۋدا-ساتتىقتى سارالاۋ جانە pipeline ساتۋدى باپتاۋ; ماسشتابتاۋ. باعدارلاما قاتىسۋشىلارى – تومەندە كورسەتىلگەن نەمەسە ۇقساس قىزمەتتەردى ۇسىناتىن IT كومپانيالار مەن فريلانسەرلەر. بۇلار باعدارلامالىق قامتىلىمداردى, سايتتاردى, موبيلدىك قوسىمشالاردى تاپسىرىس بەرۋگە ازىرلەيدى; UX/UI بويىنشا قىزمەتتەرىن كورسەتەدى; ديزاين نەمەسە برەندينگ جاسايدى; digital-ماركەتينگ بويىنشا قىزمەتتەر كورسەتەدى.
باعدارلاماعا قاتىسۋ ءۇشىن ءوتىنىمدى بيىل 31 قازانعا دەيىن جىبەرۋگە بولادى. وقىتۋ ونلاين ارقىلى جۇرگىزىلەدى.
IT كومپانيالارعا وقۋدىڭ باستالۋى 2 قاراشادان, ال فريلانسەرلەرگە 9 قاراشادان باستالادى.
تىركەۋگە سىلتەمە جانە باعدارلامانىڭ جالپى سيپاتتاماسى بويىنشا اقپارات – https://taplink.cc/terriconvalley