باس سانيتارلىق دارىگەر سانيتارلىق نورمالاردى ساقتاماعاندىقتان ەلوردادا COVID-19-دىڭ ەكىنشى تولقىنى بولۋى مۇمكىن ەكەنىن ايتتى, دەپ حابارلايدى Egemen.kz.
نۇر-سۇلتاندا كوروناۆيرۋس ينفەكتسياسىنىڭ تەز تارالۋى بايقالادى. سوڭعى اپتاداعى اۋرۋ كورسەتكىشى الدىڭعى اپتادان 1,3 ەسە نەمەسە 28,7 % جوعارى. بريفينگتە باس مەملەكەتتىك سانيتارلىق دارىگەرى جاننا پىراليەۆا حابارلاعانداي, بۇگىننەن باستاپ قالاداعى كۆي رەپرودۋكتيۆتى سانى بىردەن اسىپ, 1,08-گە جەتتى.
"قازان ايىنداعى اۋرۋشاڭدىقتىڭ ءوسۋى قالادا كارانتين شارالارىن جەڭىلدەتۋگە مۇمكىندىك بەرمەيدى", - دەدى جاننا پىراليەۆا.
ەرەجەلەردى ەلەمەۋدەن باسقا, كەيبىر ناۋقاستار بايلانىسقان تۇلعالارى تۋرالى فاكتىلەردى جاسىرادى.
"سوڭعى ۋاقىتتا كوروناۆيرۋس ينفەكتسياسىمەن اۋىراتىن ناۋقاستاردىڭ تۇرعىلىقتى جەرى مەن جۇمىس ورنى بويىنشا, سونداي-اق جاقىن بايلانىستا بولعاندار تۋرالى فاكتىلەردى جاسىرۋ جانە جالعان اقپارات بەرۋ جيىلەپ كەتتى. بۇل ەپيدەمياعا قارسى ءىس-شارالاردى ۋاقىتىلى جۇرگىزۋگە كەدەرگى كەلتىرەدى",-دەدى نۇر-سۇلتان قالاسىنىڭ باس مەملەكەتتىك سانيتارلىق دارىگەرى.
بيزنەس سۋبەكتىلەرى شەكتەۋ شارالارىن, سانيتارلىق نورمالار مەن كارانتيندىك رەجيمدى ەلەمەي وتىر. بۇعان 27 جانە 28 قازاندا مونيتورينگتىك توپتار جۇرگىزگەن كۇندىزگى جانە تۇنگى رەيدتەردىڭ ناتيجەلەرى دالەل بولا الادى. تەكسەرىلگەن 290 نىساننىڭ 49-ىندا بۇزۋشىلىقتار انىقتالدى.
"مەيرامحانالاردا كوپتەگەن ادامداردى شاقىرىپ, وتباسىلىق ءىس-شارالار وتكىزۋ ءالى دە بار. مىسالى, 24 قازاندا تۇران داڭعىلى, 5 مەكەنجايىنداعى GRANDHALLASTANA مەيرامحاناسىندا 70-تەن استام ادام بولدى. "قىز ۇزاتۋ" تويى وتكىزىلدى, وعان 50 ادام قاتىستى, ال تۋعان كۇن زالىندا 20 ادام بولدى", - دەدى نۇر-سۇلتان قالالىق پد جەرگىلىكتى پوليتسيا قىزمەتى باسقارماسىنىڭ باستىعى گوسمان جاكين.
سونداي-اق, ءموبيلدى توپ ماناس كوشەسىندەگى "پوشاشلىچيم" كافەسى مەن "جانىم-سول" كاراوكە-بارىندا جۇمىس كۇندەرى جانە دەمالىس كۇندەرى بەلگىلەنگەن جۇمىس كەستەسىن ساقتاماي, ءوز قىزمەتىن جۇزەگە اسىرعان بۇزۋشىلىقتاردى انىقتادى. تىيىم سالىنعان ۋاقىتتا تۇران داڭعىلى 19 كوشەسىندەگى Fast425 تۇنگى كلۋبى دا جۇمىس ىستەدى.
"قۇرمەتتى ەلوردا تۇرعىندارى مەن قوناقتارى, كەزەكتى رەت اينالاڭىزداعى ادامداردىڭ دەنساۋلىعى مەن ومىرىنە قامقورلىقپەن قاراۋىڭىزدى سۇرايمىن. ول ءۇشىن تەك قاراپايىم ەرەجەلەردى ساقتاۋ كەرەك: مىندەتتى تۇردە مەديتسينالىق ماسكا تاعۋ, الەۋمەتتىك قاشىقتىقتى ساقتاۋ, ادام جيناپ, وتىرىس وتكىزبەۋ, ادامدار كوپ جينالاتىن جەرلەرگە بارماۋ كەرەك", - دەدى باس سانيتارلىق دارىگەر قالا تۇرعىندارىنا.