1 قاراشادان باستاپ شەتەلدىك قاجىلار ساۋد ارابياسىنا ۋمرا جاساۋ ءۇشىن كىرە الادى, دەپ حابارلايدى Egemen.kz Daily اقپارات اگەنتتىگىنە سىلتەمە جاساپ.
قاجىلىق جانە ۋمرا مينيسترلىگى كوروناۆيرۋس ينفەكتسياسىنىڭ تارالۋىن بولدىرماۋ ءۇشىن ساقتىق شارالارىن قابىلدادى. سوڭعى حاتتامالارعا سايكەس قاجىلار كەلگەن كەزدە ءۇش كۇندىك كارانتينگە وقشاۋلانۋى كەرەك.
سونىمەن قاتار ەرەجەگە سايكەس, قاجىلاردا ءوز ەلىندە سەنىمدى زەرتحانا بەرگەن پتر مەديتسينالىق تەكسەرۋ تۋرالى انىقتاما (covid-19 بولماۋى تۋرالى) قاجىلىققا كەتكەنگە دەيىن 72 ساعاتتان اسپاۋى كەرەك.
ايتا كەتەيىك, ساۋد ارابيا بيلىگى 4 قازاننان باستاپ قاجىلىققا كەلۋشىلەردى كەزەڭ-كەزەڭىمەن قايتا قابىلدادى. قاجىلىقتىڭ ءبىرىنشى كەزەڭىندە كەم دەگەندە كۇنىنە 6000 قاجى قاتىسۋى ءتيىس بولاتىن.
ەسكە سالا كەتەيىك, ساۋد ارابياسى پاندەميامەن كۇرەس اياسىندا ناۋرىز ايىنىڭ ورتاسىندا مەشىتتەردە قاجىلىق پەن دۇعالاردى توقتاتتى.