ەكى مارتە كەڭەس وداعىنىڭ باتىرى تالعات ياكۋبەك ۇلى بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتىندا 111 تۇلەك مەملەكەتتىك ەمتيحاندى ءساتتى تاپسىردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
جوعارى وقۋ ورنى قر قارۋلى كۇشتەرى ءۇشىن اۆياتسيا ماماندارىن دايىندايدى. ءتورت جىل بويى كۋرسانتتار اسكەري ءىس بويىنشا اۆياتسيالىق ماماندىقتاردى يگەردى. ۇشۋ پراكتيكاسىنان ءوتىپ, اۆياتەحنيكانى تەحنيكالىق پايدالانۋ داعدىلارىن الدى. قورعانىس ءمينيسترىنىڭ بۇيرىعىمەن ولارعا وفيتسەرلەر قۇرامىنىڭ ءبىرىنشى اتاعى – لەيتەنانت شەنى بەرىلدى.
بۇل شىعارىلىمداعى وقۋ ۇزدىگى جاس لەيتەنانت ايان يۋريگە اۋە قورعانىسى كۇشتەرى باس قولباسشىسىنىڭ ورىنباسارى اۆياتسيا گەنەرال-مايورى تۇرالى قويشىقۇلوۆ قىزىل ديپلوم تابىس ەتتى.
1998 جىلدان باستاپ اسكەري ينستيتۋت 2450-دەن استام اۆياتسيا ماماندارىن دايارلادى. ولار قارۋلى كۇشتەردىڭ اۋە قورعانىسى كۇشتەرى, باسقا دا اسكەرلەر مەن اسكەري قۇرالىمداردىڭ اۆياتسيالىق بولىمدەرى قاتارىندا قىزمەت اتقارادى.