شەتەلدىك جوعارى وقۋ ورىندارىنا ءوز بەتىنشە وقۋعا تۇسكەن, ال قازىر قاشىقتان وقىپ جاتقان قازاقستاندىق ستۋدەنتتەر قر ءبىلىم جانە عىلىم مينيسترلىگىنە ءوتىنىش ءبىلدىرىپ, مەديتسينالىق قىزمەتتەردى تەگىن الۋ بويىنشا كومەك كورسەتۋدى سۇراعان, - دەپ جازادى Egemen.kz
بۇل ستۋدەنتتەر دە قازاقستاندىق جوعارى وقۋ ورىندارىنىڭ ستۋدەنتتەرى سياقتى ءمامس شەڭبەرىندە مەديتسينالىق كومەكتى تەگىن الاتىن بولادى. ستۋدەنتتەر ساقتاندىرۋ جۇيەسىندەگى ءوز مارتەبەسىن راستاۋ ءۇشىن "ەلەكتروندىق ۇكىمەت" پورتالىندا تىركەۋدەن وتۋلەرى قاجەت. ناتيجەسىندە ولار ءمامس شەڭبەرىندە جەڭىلدىكتەر ساناتىنا ەنگىزىلەدى."ستۋدەنتتەر وتىنىشتەرىن ءمينيستردىڭ بلوگىنا دا جولدادى. ءبىز بىردەن ارەكەت جاساپ, ولاردىڭ "ەلەكتروندىق ۇكىمەت" پورتالى ارقىلى تىركەلۋى ءۇشىن قاجەت جاعداي جاسادىق. 10 كۇننىڭ ىشىندە "شەتەلدە وقيتىن ستۋدەنتتەردى تىركەۋ" قىزمەتىن 250-گە جۋىق ادام پايدالانعان. ەندىگى كەزەكتە ولار مەديتسينالىق قىزمەتتەردى تەگىن الا الادى", – دەپ جازدى ءبىلىم جانە عىلىم ۆيتسە-ءمينيسترى ر.بيعاري Facebook-تەگى پاراقشاسىندا.