"اتىراۋ" فۋتبول كلۋبى قايتادان پرەمەر-ليگاعا ورالادى, دەپ حابارلايدى Egemen.kz
بىلتىر مۇنايلى ءوڭىردىڭ فۋتبولشىلارى سىلبىر ويىنىمەن پرەمەر-ليگا كەستەسىنىڭ سوڭىندا قالعان ەدى. ءسويتىپ, بيىلعى ماۋسىمدى ءبىرىنشى ليگادا وتكىزۋگە ءماجبۇر بولدى. بۇل ليگادا ءىى كونفەرەنتسيادا ونەر كورسەتكەن «اتىراۋ» كومانداسىنىڭ فۋتبولشىلارى 10 كەزدەسۋدە سەگىز رەت جەڭىسكە جەتتى. ەكى ويىندى تەڭ وينادى.
ال كەشە 12 تۋردا قاراعاندىنىڭ "شاحتەر-بولات" كومانداسىن 3:2 ەسەبىمەن ۇتتى. بۇل جەڭىس اتىراۋلىق كوماندانىڭ پرەمەر-ليگاعا ورالاتىن جولدامانى يەلەنۋىنە مۇمكىندىك بەردى.