قازىرگى قازاق پوەزياسىنداعى ءوزىندىك ورنى تانىلعان اقىن سەرىك اقسۇڭقار ۇلى الپىستىڭ بەلەسىنەن اتتادى. مەرەيجاس الدىندا ايماقتاعى وقۋ ورىندارىندا وتكىزىلگەن كەزدەسۋلەر جولىن قۋعان تالانتتار ەسىندە قالدى. وبلىس اكىمى سەرىك احمەتوۆ ارنايى قابىلداپ, قۇرمەت كورسەتتى.
اقسۇڭقار ۇلى ارىندى شىعارماشىلىعىنىڭ سۇيەرمەندەرى ساكەن سەيفۋللين اتىنداعى وبلىستىق دراما تەاترىنداعى جۇزدەسۋدە الدارىنا شىققان اقىننىڭ ءوز اۋزىنان ورتاعا قۇيىلعان ولەڭ-جىرلارىن قۇلاق تۇرە تىڭداپ, پوەزيا ءلاززاتىنا بولەندى. الماتىدان, استانادان قۋانىشىن بولىسۋگە كەلگەن قالامداستار تولەن ابدىك, نۇرماحان ورازبەك, تەمىرحان مەدەتبەك, جۇماباي شاشتاي ۇلى, ۇلىقبەك ەسداۋلەت, عالىم جايلىباي سىندى ۇلتتىق ادەبيەتتىڭ كورنەكتى تۇلعالارى قاراعاندىلىقتاردىڭ سەرىك اقسۇڭقار ۇلىن لايىقتى ماقتانىش تۇتا الاتىندىقتارىن اتادى.
ايقىن نەسىپباي, قاراعاندى.