وبلىستىق ءبىلىم باسقارماسىنىڭ مالىمەتىنە سۇيەنسەك, بالاباقشالاردا 1126 كەزەكشى توپ اشىلدى. وعان 13202 بالا بارىپ ءجۇر. بۇل مەكتەپكە دەيىنگى ۇيىمدار تاربيەلەنۋشىلەرىنىڭ جالپى سانىنىڭ 39 پروتسەنتىن قۇراپ وتىر. بالاباقشالاردىڭ جۇمىسى سانيتارلىق تالاپتار مەن مەكتەپكە دەيىنگى ۇيىمداردىڭ جۇمىس الگوريتمىنە سايكەس ۇيىمداستىرىلۋدا, دەپ حابارلايدى Egemen.kz
"كۇن سايىن اڭەرتەڭ مەيىربيكە بالالاردا رەسپيراتورلىق اۋرۋلاردىڭ بار-جوعىن انىقتاۋ ءۇشىن تەكسەرۋ جۇرگىزەدى. دەنە قىزۋىن ولشەپ, بالالاردىڭ تاماعىن تەكسەرەدى. كوروناۆيرۋستىق ينفەكتسيانىڭ الدىن الۋ ماقساتىندا تاربيەشىلەر مەن اتا-انالار بالالاردى قارسى الۋ, شىعارىپ سالۋ كەزىندە بەتپەردە رەجيمى ساقتايدى. بالالار مەن تاربيەشىلەردىڭ ساقتىعى ءۇشىن بالاباقشاعا كىرەبەرىستە, سونداي-اق ءار توپتا سانيتايزەرلەر ورناتىلدى. بالاباقشا عيماراتىنداعى توپتىق جايلاردا, باسقا دا بولمەدەر مەن اسحانادا دەزينفەكتسيالاۋ قۇرالدارىمەن ەكى ساعات سايىن ىلعالدى وڭدەۋ جۇرگىزىلەدى", دەپ حابارلادى وبلىستىق ءبىلىم باسقارماسىنان.
كەزەكشى توپتا شەكتەۋ شارالارى ساقتالىپ, بالاقايلاردىڭ ساباعى كۇن تارتىبىنە ساي وتكىزىلەدى. بالالار ۋاقىتىلى تاماقتانادى. كۇندىز ۇيىقتاپ, دالاعا سەرۋەندەۋگە شىعادى.