بۇل اقپاراتتى وبلىستىق پوليتسيا دەپارتامەنتىنىڭ ءباسپاسوز قىزمەتى تاراتتى, دەپ حابارلايدى Egemen.kz.
"15-22 قازاندا 9 بالانى يت قاۋىپ, دەنە جاراقاتىن العانى انىقتالدى. تالداۋ كورسەتكەندەي, بالالاردىڭ بەسەۋىن بۇرالقى يتتەر, ۇشەۋىن كورشىسىنىڭ, ال بىرەۋىن ء وز اۋلاسىنداعى ءيتى قاپقان. توعىز بالانىڭ ءبارى دە العاشقى مەديتسينالىق كومەككە جۇگىندى. دارىگەرلەر يت قاپقان بالالاردىڭ جاراقاتىن جەڭىل دارەجەدە دەپ قورىتىندى جاسادى. تىركەلگەن وقيعالاردىڭ تەك بىرەۋىنە قاتىستى قر اكىمشىلىك قۇقىق بۇزۋشىلىق تۋرالى كودەكستىڭ 408-بابىمەن حاتتاما تولتىرىلىپ, يت يەسىنە 13890 تەڭگە كولەمىندە ايىپپۇل سالىندى. قالعان 8 دەرەك بويىنشا جابىرلەنۋشىلەر تاراپىنان ارىز-شاعىم تۇسكەن جوق", دەپ حابارلادى دەپارتامەنتتىڭ ءباسپاسوز قىزمەتى.
ال اتىراۋ قالالىق پوليتسيا باسقارماسىنىڭ باسشىلىعى بۇل دەرەكتى ەلەۋسىز قالدىرعان جوق. ءسويتىپ, اتىراۋ قالالىق اكىمدىگىنە كوشەدەگى بۇرالقى يتتەردەن جاسوسپىرىمدەر مەن ەگدە جاستاعى قاريالارعا, سونداي-اق, ادام ومىرىنە قاۋىپتى جاعدايلاردى بولدىرماۋ ماقساتىندا شارا قولدانۋ تۋرالى ۇسىنىس جولدادى.